सेलू / नारायण पाटील – शहरात १ फेब्रुवारी रोजी होत असलेल्या पत्रकारांच्या राज्यस्तरीय मेळाव्यात पत्रकारितेसाठी योगदान देणाऱ्या मान्यवरांचा सन्मान केला जाणार आहे .
येथील साई नाट्यगृहात आयोजित या पत्रकारांच्या राज्यस्तरीय मेळाव्यासाठी स्वागताध्यक्ष म्हणून माजी नगराध्यक्ष विनोद बोराडे हे राहणार असून अखिल भारतीय मराठी पत्रकार परिषदेचे मुख्य विश्वस्त एस एम देशमुख तसेच माननीय नामदार मेघना बोर्डीकर व माननीय नामदार संजय शिरसाट मराठी पत्रकार परिषदेचे विश्वस्त मा.किरण नाईक व मा.शरद पाबळेयांच्या सह अनेक मान्यवरांची उपस्थिती राहणार आहे.
यावेळी राज्यातील एका जिल्हा पत्रकार संघाला रंगा वैद्य आदर्श जिल्हा पुरस्कार तर सहा तालुका पत्रकार संघांना वसंतराव काणे आदर्श तालुका पुरस्काराचे वितरण मान्यवरांच्या हस्ते केले जाणार आहे .
यावेळी प्रमुख वक्ते म्हणून विशाल परदेशी यांची उपस्थिती राहणार आहे .
याच कार्यक्रमात पत्रकारितेत योगदान देणारे जेष्ठ पत्रकार तथा साहित्यिक आसारमजी लोमटे ,डी व्ही मुळे तसेच कांचन कोरडे यांचा देखील मान्यवरांच्या उपस्थितीत यथोचित सन्मान केला जाणार आहे .