मुंबई : केंद्रीय अमली पदार्थविरोधी पथकाने (एनसीबी) रविवारी पहाटेच्या सुमारास मुंबईच्या समुद्रात कार्डेलिया क्रूझवर सुरु असलेल्या एका रेव्ह पार्टीवर धाड टाकली. यावेळी मोठ्या प्रमाणात ड्रग्जदेखील जप्त करण्यात आलं होतं. त्यात पाच ग्रॅम मेफ्रेडॉन (एमडी), १३ ग्रॅम कोकेन, २१ ग्रॅम चरस, एमडीएमएच्या २२ गोळ्या व एक लाख ३३ हजारांची रोकड जप्त करण्यात आले होते. तसेच या क्रूझमधून अभिनेता शाहरुख खानचा मुलगी आर्यनसह आठ जणांना अटक करण्यात आली होती. कॉर्डेलिया क्रूज ड्रग्स प्रकरणाशी संबंधित एक व्हिडिओ व्हायरल झाला आहे. या व्हिडिओमध्ये ड्रग्स कशाप्रकारे लपवण्यात आली होती हे समोर आलं आहे. मोठी युक्ती लढवत अनेकांनी कोणालाही संशय येणार नाही अशाप्रकारे औषधे लपवली होती. मुंबईतील कॉर्डेलिया क्रूझवर आयोजित ड्रग्स पार्टीमधून अटक करण्यात आलेल्या आरोपींपैकी एक आरोपी मुनमुन धमेचाकडून औषधांच्या गोळ्या जप्त करण्यात आल्या. या प्रकरणातील तरुणीने सॅनिटरी नॅपकीनमध्ये लपवून ड्रग्स आणल्याची माहिती एनसीबीने दिली आहे.
आरोपी तरुणीने सॅनिटरी नॅपकीनमध्ये लपवून ड्रग्स आणले होते, असं एनसीबी अधिकाऱ्यांना तपासादरम्यान आढळलं आहे. तसेच अरबाज मर्चंटच्या बुटातून ड्रग्ज जप्त करण्यात आले. तर आर्यनव्यतिरिक्त इतरांनी लेन्स कव्हर, अंडरवेअरमध्ये ड्रग्स लपवले होते. तर मुलींनी सॅनिटरी पॅड्स, पर्सचे हँडल यात ड्रग्स लपवून ठेवले होते, अशी माहिती मिळत आहे. मिळालेल्या माहितीनुसार, नुपूर सारिकाने सॅनिटरी नॅपकीनमध्ये ड्र्ग्स लपवले होते.
ड्रग्ज प्रकरणी आर्यन खानबरोबर अटक झालेल्या मुनमुन धमेचा हिच्या पर्समध्ये असलेल्या सॅनेटरी पॅडमध्ये ड्रग्ज सापडल्याची माहिती सूत्रांनी दिलीये. NCBचे अधिकारी या सॅनेटरी पॅडमध्ये दडवून ठेवलेली गोळी बाहेर काढताना या व्हिडिओत दिसत आहेत. रेव्ह पार्टीमध्ये कशाकशात दडवून अमली पदार्थ नेले जातात, हेच या व्हिडिओतून दिसतंय..
ती औषधे मुनमुनने सॅनिटरी पॅडमध्ये लपवली होती. क्रूझमध्ये एनसीबीच्या शोध मोहिमेदरम्यान, मुनमुनच्या खोलीत जप्ती कारवाईचा व्हिडिओ समोर आला आहे. मुंबईच्या एस्प्लेनेड कोर्टाने शुक्रवारी अरबाज सेठ मर्चंट, मुनमुन धमेचा आणि अन्य आरोपींचा जामीन अर्ज फेटाळला. या प्रकरणी चिनेडू इग्वे या नायजेरियन व्यक्तीसह एकूण 18 जणांना अटक करण्यात आली आहे.
Drugs Case : सॅनिटरी पॅड्स ते अंडरवेअर; कोणी, कुठे लपवले होते ड्रग्स?
नुपूर सारिका ही दिल्लीत फॅशन डिझायनिंगचे काम करते. मिळालेल्या माहितीनुसार, नुपूरला मोहकने ड्रग्ज दिले होते, जे तिने फार हुशारीने सॅनिटरी पॅडमध्ये लपवले होते. तसेच मोहक जसवाल या तरुणीने मुंबईतून एका स्थानिक व्यक्तीकडून ड्रग्स खरेदी केले होते. त्यानंतर तिने नुपूरला ते सॅनिटरी पॅड्समध्ये लपवण्यासाठी सांगितले होते. ‘पार्टीत तू मला हे दे,’ असे तिने नुपूरला सांगितले होते. मात्र सॅनिटरी पॅडमध्ये ड्रग्ज लपवण्याची ही युक्ती फोल ठरली आणि एनसीबीच्या कारवाईत हे ड्रग्स सापडले.