सेलू / प्रतिनिधी – श्रीक्षेत्र वेरूळ येथे होत असलेल्या श्री चक्रराज यंत्र पूजन सोहळयासाठी सेलूतील सेवेकऱ्यांना जाण्याची व्यवस्था व्हावी यासाठी माजी नगराध्यक्ष विनोद बोराडे यांच्या वतीने मोफत वाहन सेवा देण्यात आली असून यासाठी १२ क्रूझर वाहनांची व्यवस्था करण्यात आली आहे . त्याबद्दल श्री स्वामी समर्थ केंद्र महेश नगर व मारुती नगर सेलू यांच्या वतीने व तसेच समस्त सर्व सेविकाऱ्यांच्या वतीने माजी नगराध्यक्ष विनोद बोराडे यांचे स्वागत करण्यात आले .
नगराध्यक्ष विनोद बोराडे यांचा श्री स्वामी समर्थ केंद्र महेश नगर केंद्राचे ज्येष्ठ सेवेकरी रामकिशन बाबर यांच्या हस्ते सत्कार करण्यात आला.
तसेच राजेंद्र झोडगावकर यांचा सत्कार सामाजिक कार्यकर्ते सुनील गायकवाड यांच्या हस्ते करण्यात आला. याप्रसंगी केंद्राच्या वतीने सुनील गायकवाड यांनी सेवा मार्गातील विविध उपक्रमांची माहिती दिली तसेच हा कार्यक्रम खूप मोठ्या प्रमाणात सेवेकरी उपस्थित राहणार आहेत.असे सांगितले.
या वेळी महेश नगर केंद्राचे केंद्र प्रतिनिधी संजय गव्हाडे ,निवृत्ती पोधाडे ,संतोष घोगरे , प्रशांत ठाकूर ,राजेंद्र गव्हाडे, पवन सुकते, हरिदास पागोटे ,अंशीराम खेडेकर ,राजेंद्र पवार ,अमोल वाडेकर ,कृष्णा पावडे, सुनील नवले, केशव मुळे, शंकर बुरेवार, भाऊसाहेब गजमल, दिनेश पडुळे,संतोष जोगदंड ,संतोष पडोळे ,माणिकराव पडूळे, तसेच पुरुष सेवेकरी व महिला सेवेकरी मोठ्या संख्येने उपस्थित होते.