घर घर संविधान उपक्रम श्री केशवराज बाबासाहेब विद्यालयात साजरा

सेलू( प्रतिनिधी )
घर घर संविधान अमृत महोत्सवी संविधान वर्ष निमित्त श्री केशवराज बाबासाहेब विद्यालय येथे संविधान आज काल व उद्या या विषयावर विद्यार्थ्यांना माहिती देण्यात आली.

या प्रसंगी ज्येष्ठ शिक्षिका अलका धर्माधिकारी, जयश्री सोन्नेकर, योगेश ढवारे, सुरेश मारेवाड आदिची प्रमुख उपस्थिती होती.या प्रसंगी राज्यघटनेचे शिल्पकार डॉ बाबासाहेब आंबेडकर यांच्या प्रतिमेचे पूजन मान्यवरांच्या हस्ते करण्यात आले.या प्रसंगी योगेश ढवारे यांनी संविधान मूलभूत हक्क व कर्तव्य, सद्यस्थितीत हक्क व मुलभूत जबाबदारी या विषयी सखोल मार्गदर्शन केले तर सुरेश मारेवाड यांनी संविधान निर्मिती पार्श्वभूमी व निर्मिती यावर मार्गदर्शन केले.संविधानाच्या उद्देशीकेचे वाचन घेऊन कार्यक्रमाची सांगता झालीसूत्रसंचालन मंगेश कुलकर्णी यांनी केले तर आभार जयश्री सोन्नेकर यांनी मानले.