सेलू ( नारायण पाटील )
शहरातील भारतीय शिक्षण संस्था अंबाजोगाई संचलित विवेकानंद प्राथमिक विद्यालयात भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त (६ डिसेंबर ) अभिवादन करण्यात आले.
मान्यवरांच्या हस्ते छत्रपती शिवाजी महाराज व डॉ.बाबासाहेब आंबेडकर यांच्या प्रतिमांचे पूजन व पुष्पहार अर्पण करून कार्यक्रमाची सुरुवात करण्यात आली.व्यासपीठावर अध्यक्ष म्हणून मु.अ. शंकर शितोळे तसेच विनोद मंडलिक ,प्रमुख वक्ते गजानन साळवे यांची उपस्थिती होती.
गजानन साळवे यांनी डॉ.बाबासाहेब आंबेडकर यांचे सामाजिक कार्य व शैक्षणिक विचार यावर प्रकाश टाकला. विद्यार्थ्यांनी भाषणे सादर केली.आभार विजय चौधरी यांनी मानले.
कार्यक्रम यशस्वीतेसाठी अनिल कौसडीकर ,शंकर राऊत ,स्वप्नाली देवडे ,सोनाली जोशी ,अर्चना निळे यांनी प्रयत्न केले.