भारत विरुद्ध ऑस्ट्रेलिया फायनलमध्ये पाऊस पडला तर..पुढे काय ? जाणून घ्या नियम

भारतात नोव्हेंबर महिन्यात पावसाची शक्यता फार कमी असते. पण हवामानाची अनिश्चितता पाहता आयसीसीने राखीव दिवस ठेवलाय. जेणेकरून पावसामुळे मॅचमध्ये अडथळा निर्माण होऊ नये. जर मॅचमध्ये पाऊस झाला तर डकवर्थ लुईस नियमानुसार निकाल लावण्याचा प्रयत्न केला जाईल.मात्र त्यासाठी किमान २० ओव्हरची मॅच झाली पाहिजे. अशा स्थितीत ओव्हर कमी केल्या जातील आणि सुधारीत लक्ष्य दिले जाईल.डकवर्थ लुईस नियमानुसार जर निकाल नाही लागला तर राखीव दिवशी मॅच पूर्ण केली जाईल. राखीव दिवशी आधी जेथे मॅच थांबली होती तेथून पुन्हा सुरू केली जाईल. अशा परिस्थितीत ओव्हर कमी केल्या जाणार नाहीत.जर राखीव दिवशी पाऊस पडला आणि मॅच खेळवणे शक्य झाले नाही तर साखळी फेरीनंतर गुणतक्त्यात जो संघ अव्वल स्थानी होता त्याला विजेता घोषीत केले जाईल.