सेलू / प्रतिनिधी – कोठेकर परीवाराच्या अर्थिक योगदानातून नूतन कन्या प्रशाला सेलू येथे उभारण्यात आलेल्या शुद्ध जल प्रकल्पाचे लोकार्पण शनिवारी करण्यात आले.
नूतन कन्या विद्यालयाची माजी विद्यार्थिनी स्वर्गीय कल्पना दिक्षित (कोठेकर) हीच्या स्मृतीत हा प्रकल्प उभारण्यात आला. कल्पनाचे पती नितिन व मुलगी उत्कर्षाच्या हस्ते कौनशीलेचे उद्घाटन करण्यात आले .
कार्यक्रमास नुतन शिक्षण संस्थेचे अध्यक्ष डॉ.एस.एम.लोया,अभियंता नितिन दिक्षित,उपाध्यक्ष डी.के. देशपांडे,चिटणिस डॉ. विनायकराव कोठेकर,सरचिटणीस जयप्रकाश बिहाणी,महिला मंडळाच्या विजया कोठेकर ,अमृत कोठेकर,उत्कर्षा दिक्षित, माजी प्राचार्य शरद कुळकर्णी,अजिज खां पठाण,मकरंद दिग्रसकर राजेश गुप्ता,दत्तराव पावडे,उपस्थित होते.
या प्रसंगीमाजी प्राचार्य शरद कुळकर्णी,अभियंता नितिन दिक्षित, संजयपिंपळगांवकर,जयप्रकाशजी बिहाणी, डॉ.लोया यांनी भावना व्यक्त केल्या. प्रारंभी सच्चिदानंद डाखोरे यांनी समयोचित जल गीतांचे सादरीकरण केले.प्रास्ताविक शरद कुळकर्णी यांनी केले. सूत्रसंचालन कीर्ती राऊत तर आभारप्रदर्शन मुख्याध्यापिका पाटील यांनी केले.
कार्यक्रमास नूतन शिक्षण संस्थेचे कर्मचारी,शहरातील प्रतिष्ठीत नागरिक उपस्थित होते.