परभणी / प्रतिनिधी – श्री शिवाजी विधी महाविद्यालयात वाचन संकल्प महाराष्ट्राचा या शिक्षण संचानालय (उच्च शिक्षण) विभागाच्या संकल्पनेनुसार विविध उपक्रमांचे आयोजन करण्यात आले होते त्यात ग्रंथालय आणि माहिती केंद्रच्या वतीने ग्रंथालय स्वच्छ्ता अभियान, अभ्यासक्रमा व्यतिरिक्तच्या वाचनीय साहित्याचे ग्रंथ प्रदर्शन, वाचन कौशल्य कार्यशाळा, लेखक आपल्या भेटीला तसेच पुस्तक परिक्षण आणि कथन यासारख्या उपक्रमांचे आयोजन देखील करण्यात आले होते.
तेंव्हा पुस्तक परिक्षण आणि कथन या स्पर्धेतील विजेत्यांना महाविद्यालयाच्या वतीने पुस्तकरूपी पारितोषिके देण्यात आले त्यात प्रथम स्थानी एलएल.बी. प्रथमवर्षाचा करण पाईकराव, द्वितीय स्थानी एलएल.बी. प्रथमवर्षाचा यश गायकवाड तर तृतीय स्थानी एलएल.बी. द्वितीय वर्षाची नयना माने यांची निवड करण्यात आली. या वेळी व्यासीठावर अध्यक्षस्थानी महाविद्यालयाचे स्थानिक विकास समितीचे स्थानिक अध्यक्ष मा. श्री.चंद्रशेखर नखाते, प्राचार्य डॉ. विजय पी.माकणीकर, प्रा.डॉ.प्रतिभा चव्हाण, प्रा. डॉ. हर्षा सूर्यवंशी आदींची उपस्थिती होती. यशस्वितेसाठी साठी प्रा.डॉ. एस.डी. जवंजाळ, प्रा.डॉ. ए.आर. देशमुख, ग्रंथपाल डॉ. सचिन व्ही. कदम आदीनीं परिश्रम घेतले.
या यशस्वी उपक्रमा करिता महाविद्यालय विकास समितीचे सन्माननीय सदस्य मा. श्री चंद्रशेखर नखाते, मा. श्री. गोविंद कदम, मा. श्री मकदुम मोहिउद्दिन, मा. श्री. संतोष बोबडे, मा.ॲड. दिपक देशमुख, मा. ॲड. अशोक शिंदे व मा. श्री. संतोष इंगळे आदींचे मार्गदर्शन लाभले.