वाघोली – सनराइज् एज्युकेशन सोसायटी पुणे संचलित, इन्स्पायर अबॅकस अॅकॅडमीच्या वतीने राष्ट्रीय पातळीवरील अबॅकस स्पर्धा अहमदनगर येथे आयोजित करण्यात आली होती. या स्पर्धेत वाघोली येथील श्री चैतन्य इंग्लीश मिडिअम स्कूलची इयत्ता चौथीच्या वर्गात शिकाणारी आरोही दिलीप खांडेकर (वय 11 वर्ष) या विद्यार्थीनीने भारतात दुसरा क्रमांक पटकावला आहे.
शाळेच्या मुख्याध्यापिका प्रतिमा जोसेफ यांच्या हस्ते तीचा गौरव करण्यात आला. सारीका काळे मुळे यांच्या मार्गदर्शनाखाली आरोहीने या स्पर्धेची तयारी केली. आरोहीने पाच मिनिटांत 198 गणितं सोडवून देशात दुसरा क्रमांक पटकावला. स्पर्धेत देशातील 10 राज्यातील 976 विद्यार्थ्यांनी सहभाग घेतला होता. तसेच भारतासह इतर तीन देशातील विद्यार्थीही या स्पर्धेत सहभागी झाले होते. आरोहीच्या या यशाने तिचे सर्वत्र कौतुक होत आहे.