परभणी – नाशिक येथील यशवंतराव चव्हाण महाराष्ट्र मुक्त विद्यापीठाच्या नांदेड विभागीय केंद्राच्यावतीने शाळा संपर्क अभियान व वाचन संकल्प महाराष्ट्राचा अंतर्गत कार्यक्रमासाठी अभासी अध्यायनकेंद्र रथ शारदा विद्यालय व महाविद्यालयात आगमन झाले. यावेळी शारदा महाविद्यालयाचे प्राचार्य डॉ. बबन पवार, उपप्राचार्य डॉ. शामसुंदर वाघमारे, डॉ.प्रशांत मेने व डॉ.एन.व्ही. सिंगापुरे यांनी या अभासी अध्यायन केंद्र रथाचे स्वागत केले. हे अभियान नांदेड येथील यशवंतराव चव्हाण महाराष्ट्र मुक्त विद्यापीठ विभागीय केंद्राचे वरिष्ठ शैक्षणिक सल्लागार डॉ.यशवंत कलेपवार व डॉ.चंद्रकांत सातपुते यांच्या मार्गदर्शनाखाली घेण्यात आले. यावेळी महारष्ट्र शासनाच्या शाळा संपर्क अभियान व वाचन संकल्प महाराष्ट्राचा कार्यक्रमाची माहिती अभासी अध्ययन रथ केंद्राद्वारे विद्यार्थ्यांना देण्यात आली. यावेळी दादाराव मुंढे, वाहक शिंदे, कार्यक्रम समन्वयक डॉ. अविनाश पांचाळ, डॉ. आर. पी. देशपांडे, डॉ. नुरुल आमीन, डॉ. गोपाल पेदापल्ली, सुरेश जयपुरकर, रमेश जाधव, पवार तुकाराम व असंख्य विद्यार्थी उपस्थित होते.