सेलू ( नारायण पाटील )
शिर्डीचे संत साईबाबांचे सद्गुरू व शहराचे ग्रामदैवत असलेल्या केशवराज बाबासाहेब महाराजांचा महान यात्रा महोत्सव दि ८ डिसेंबर पासून सुरू होत आहे .
दि ८ डिसेंबर ते १६ डिसेंबर या कालावधीत मोठ्या उत्साहात साजऱ्या होणाऱ्या या यात्रा महोत्सवात दररोज श्रीच्या मूर्तीस लघुरुद्र व पवमान अभिषेक , अखंड हरिनाम सप्ताह ,श्री गुरुचरित्र पारायण ,हरिपाठ ,महिला मंडळाचे भजन तसेच कीर्तन कार्यक्रमाचे आयोजन करण्यात आले आहे .
नादविहार संगीत परिवार ,सेलू यांच्या वतीने अखंड विष्णुसहस्रनाम सप्ताह तसेच विवेक वसंत मंडलिक व गोविंद वसंत मंडलिक यांचे शुक्ल यजुर्वेद संहिता पारायण तर वे शा स सारंग रामचंद्र सराफ व वे शा ओंकार नर्सिकर यांचे ऋग्वेद शाकल संहिता पारायण होणार आहेत .
दि ८ ते १४ डिसेंबर या कालावधीत भागवताचार्य नंदकिशोर महाराज गोंदीकर यांच्या अमृततुल्य व रसाळ वाणी मधून “श्रीमद भागवत कथेचे ” निरूपण ११ ते ४ या वेळेत होणार आहे .
दि ८ ते १० डिसेंबर या कालावधीत दररोज रात्री ९ वाजता ह भ प बालासाहेब महाराज नेब ( समर्थ जांब )यांचे सुश्राव्य कीर्तन होणार आहे .
११ डिसेंबर रोजी केशवराज बाबासाहेब महाराजांची पुण्यतिथी असल्यामुळे सकाळी ७ ते ९ या वेळेत केशवराज बाबासाहेब महाराजांच्या ओवीबद्ध चरित्राचे सामूहिक ३ पाठ होणार आहेत .९ वाजता श्रीमद भगवत गीतेचे संपूर्ण १८ अध्याय पठन व सायंकाळी ” श्री ” चि आराधना,अभिषेक व महापूजा होणार आहे .,तसेच रात्रौ ९ वाजता केशवराज बाबासाहेबांच्या चरित्रावर रेडिओ स्टार ह भ प वसंतबुवा मंडलिक यांचे कीर्तन होणार आहे .
दि १२ व १३ डिसेंबर राजी रात्री ९ वाजता परभणी येथील ह भ प शंकर महाराज आजेगावकर यांचे कीर्तन होणार आहे.
दि १४ डिसेंबर रोजी श्रीमद भागवत कथेची समाप्ती होणार असून दुपारी माजी जी प सभापती अशोकराव काकडे यांच्या वतीने भंडाऱ्याचे आयोजन करण्यात आले आहे .व रात्रौ ९ वाजता माऊलीच्या दिंडीतील मानकरी ह भ प पुरुषोत्तम महाराज वालुरकर यांचे श्री हरी कीर्तन होणार आहे .
दि १५ डिसेंबर हा या यात्रा महोत्सवाचा मुख्य दिवस असून दुपारी १२ वाजता “श्री ” ची महाआरती ,तीर्थ प्रसाद व महाप्रसादाचे आयोजन करण्यात आले आहे .तसेच दुपारी ३ वाजता “श्री ” ची भव्य पालखी मिरवणूक काढण्यात येणार आहे .
दि १६ डिसेंबर रोजी दुपारी ४ वाजता भागवतकार व कीर्तन सम्राट ह भ प सुनील महाराज आष्टीकर यांचे काल्याचे कीर्तन होणार आहे .
या यात्रामहोत्सवात सेलूतील महिला व पुरुष भजनी मंडळ तसेच मृदंगाचार्य विठ्ठल काळे ,सदाशिव समेळ ,बाबासाहेब खुपसेकर,भास्कर डासाळकर ,सुधाकर शिंदे
तबला वादक केदार तांबट हे उपस्थित राहणार आहेत .तर संवादिनी साथ वे शा स नागनाथराव विडोळीकर ,ह भ प वसंतबुवा मंडलिक तर गंगाधर कान्हेकर हे देणार आहेत .
या महोत्सवात लघरुद्र अभिषेक करू इच्छिणार्यांनी वामन नारायणराव मंडलिक यांचेशी संपर्क साधण्याचे कळवण्यात आले आहे .
तरी या महान यात्रा महोत्सवात शहरातील व परिसरातील भाविक भक्तांनी सर्व कार्यक्रमास उपस्थित राहून दर्शनाचा ,श्रवणाचा व महाप्रसादाचा लाभ घ्यावा असे आवाहन केशव ,वामन व पुरुषोत्तराम नारायणराव मंडलिक यांनी तसेच व्यापारी मंडळाच्या वतीने करण्यात आले आहे .