प्राचार्य डॉ.तानाजी साळवे यांचे निधन

नसरापूर, प्रतिनिधी – पुणे जिल्हा शिक्षण मंडळ या संस्थेच्या शंकरराव भेलके महाविद्यालय, नसरापूर, प्राचार्य डॉ.तानाजी साळवे यांचे निधन झाले.

पुणे जिल्हा शिक्षण मंडळ या संस्थेच्या शंकरराव भेलके महाविद्यालय,नसरापूर, मामासाहेब मोहोळ महाविद्यालय, पौड रोड, वाघिरे महाविद्यालय,सासवड अण्णासाहेब मगर महाविद्यालय,हडपसर आणि अण्णासाहेब वाघिरे महाविद्यालय, ओतूर येथे कार्यरत असतांना डॉ.तानाजी साळवे यांनी प्राचार्य पदाची धुरा सांभाळत संस्थेला तसेच महाविद्यालयांना NAAC असो किंवा इतर शैक्षणिक पातळीवर नावलौकिक मिळवून देण्यात सरांचा सिहांचा वाटा होता.
अत्यंत शांत मनमिळाऊ आणि मितभाषी असा त्यांचा स्वभाव दुसऱ्यावर आपली छाप पडणारा एक आपला माणूस अशा अचानक जाण्याने संस्थेवर,महाविद्यालयांवर व संस्थेतील सर्व घटकांवर दुःखाचा डोंगर कोसळला आहे. शंकरराव भेलके महाविद्यालय,नसरापूर येथील प्राचार्य, प्राध्यापक, कार्यालयीन कर्मचारी आणि विद्यार्थी यांच्या वतीने त्यांच्या आत्म्यास चिरशांती लाभो आणि त्यांच्या कुटुंबियांना या दुःखातून सावरण्याची शक्ती देवो अशी भावपूर्ण श्रद्धांजली व्यक्त करण्यात आली.