राजस्थानमध्ये अडकलेले बीडचे विद्यार्थी सुखरुप परतले

बीड, धनंजय माने – राजस्थान राज्यातील कोठा येथे राज्यभरातील हजारो विद्यार्थी शिक्षणासाठी गेलेले होते . यामध्ये बीड जिल्ह्यातील ५५ ते ५६ विद्यार्थ्यांचा यामध्ये समावेश होता . कोरोनामुळे लॉकडाऊन केल्यानंतर ही सर्व विद्यार्थी राजस्थानमध्येच अडकून पडली होती . मंगळवारी ( दि . २८ ) दुपारी ही सर्व विद्यार्थी बीडमध्ये सुखरुप दाखल झाले .
दहावी , नीट , जेईई आदी शिक्षणासाठी महाराष्ट्र राज्यातून अनेक विद्यार्थी राजस्थान राज्यातील कोठा येथे गेले होते . यामध्ये बीडमधील ५५ते ५६ विद्यार्थ्यांचा समावेश होता . यासंदर्भात राज्य शासनाने दखल घेवून बीडसह राज्यातील इतर जिल्ह्यातील विद्यार्थ्यांना स्वगृही आणण्यासाठी प्रयत्न केले सुरू केले होते . जिल्हा प्रशासनानेही यासाठी पाठपुरावा केला होता . राज्य सरकारच्या परवानगी नंतर या विद्यार्थ्यांना आपआपल्या जिल्ह्यात आणण्यासाठी यंत्रणा कामाला लागली होती . मंगळवारी दुपारी ४. ३०वाजण्याच्या सुमारास कोठा ( राजस्थान ) येथे अडकलेल्या बीडच्या विद्यार्थ्यांना जिल्ह्यात आणण्यात आले . एका खाजगी ट्रॅव्हल्सने या विद्यार्थ्यांना बीड बसस्थानकाच्या पाठीमागील रोडवर आणण्यात आले . याठिकाणी शिवाजीनगर पोलिसही दाखल झाले होते . दरम्यान लॉकडाउनमुळे कोठा येथून अडकलेले विद्यार्थी परत आल्याने कुटुंबियांना मोठा दिलासा मिळाला आहे .