संस्कार प्राथमिक शाळेचे MTS परीक्षेत राज्य गुणवत्ता यादीत घवघवीत यश; तब्बल 14 विद्यार्थी गुणवत्ताधारक

परळी वैजनाथ, प्रतिनिधी – संस्कार प्राथमिक शाळेतील या वर्षी घेण्यात आलेल्या MTS परीक्षा 2020 मध्ये राज्य गुणवत्ता यादीत तब्बल 14 विद्यार्थ्यांनी घवघवीत सुयश मिळवले. या सर्व विद्यार्थ्यांचा गुणगौरव सोहळा संस्कार प्राथमिक शाळेत संपन्न झाला. या कार्यक्रमासाठी अध्यक्ष म्हणून पद्मावती शिक्षण संस्थेचे सचिव श्री दिपक तांदळे तर प्रमुख पाहुणे म्हणून शाळेचे मुख्याध्यापक श्री आनकाडे सर, इंगळे सर, पाचांगे सर यांची उपस्थिती होती. यश संपादन केलेले विद्यार्थी कु. नानवटे यशश्री व चि.फड मोहन अनुक्रमे (राज्य व जिल्ह्यात 6वी) केंद्रात पहिली, कु. गौरी कटकमवार (राज्यात9 वी ), कु. रेडे यशस्वी (राज्यात 11वी ), सोनाक्षी क्षीरसागर (राज्यात 17वी ), कु. कामाले मनीषा ( राज्यात 18वी ), कु. कांदे दुर्गा चि.कंकाळ वरद चि.यादव प्रज्योत अनुक्रमे (राज्यात 19वा ), कु. संघई अलिशा (राज्यात 20वी), चि. चंदेल राजवीर (राज्यात 26वा), कु. निलंगे सृष्टी (राज्यात 32वी ), कु. कातले संस्कृती (राज्यात 35वी), कु. सोळंके श्रेया (राज्यात 36वी ) या सर्व गुणवत्ताधारक विद्यार्थ्यांचे अभिनंदन व सत्कार शाळेच्या वतीने करण्यात आला. व कोरोना संसर्गच्या काळात सोशल डिस्टन्स चे पालन करून विद्यार्थ्यांचे कौतुक करण्यात आले.