‘सुंदर माझे गार्डन’ स्पर्धेचे आयोजन

जास्तीत जास्त परळीकरांनी ‘सुंदर माझे गार्डन’ स्पर्धेमध्ये सहभाग नोंदवावा – योगेश पांडकर

परळी, प्रतिनिधी – कोरोना विषाणूच्या पार्श्वभूमीवर संबंध देशभरामध्ये लॉकडाऊन असल्या कारणाने घरबसल्या निसर्गाचा समतोल तसेच आपल्या घरातील व परिसरातील स्वच्छता वाढावी व आदर्श परळी, स्वच्छ परळी व्हावी, वृक्षप्रेम वाढावे, सामाजिक जनजागृती व्हावी या प्रमाणिक उद्देशाने मा. पंकजाताई मुंडे, खा. प्रीतमताई मुंडे व स्व. गोपीनाथराव मुंडे प्रतिष्ठाण व भाजयुमोच्या माध्यमातून भाजयुमोचे शहर संघटक योगेश पांडकर यांनी सुंदर माझे गार्डन या स्पर्धेचे आयोजन केले आहे.

परळीतील जवळपास लोक आपापल्या परिवारासोबत घरी बसले आहेत त्यांच्यासाठी हा आरोग्यदायी व शहराची शोभा वाढवणारा उपक्रम करून घरूनच स्पर्धेच्या माध्यमातून निसर्ग व सौंदर्यप्रेमी म्हणून ही स्पर्धा आयोजित करण्यात येत आहे. या स्पर्धेत आपल्या घरासमोरील किंवा टेरिसवरील गार्डनची निगराणी केलेली स्वतः उभे असणारे गार्डनचे फोटो पाठवावे व आपलं गार्डन शहरात सुंदर गार्डन म्हणून नावारूपास आणावा. ही स्पर्धा कोरोना या महामारीच्या पार्श्वभूमीवर घेण्यात आली आहे आपण घरीच रहावं व व्हाट्सअप वर 3 अँगल मध्ये वेगवेगळी फोटो पाठवावेत. या आधीही कोरोनाच्या पार्श्वभूमीवर निबंध स्पर्धेचे आयोजन केले होते त्यात भरपूर परिवारांनी सहभाग नोंदविला होता व असे अनोखे उपक्रम राबविण्यात यावे अशी अनेकांच्या प्रतिक्रिया आल्या. आपण अशा सामाजिक उपक्रमात बांधिलकी म्हणून सहभागी व्हावं व इतरांनाही सहभागी करावं.

‘सुंदर माझं गार्डन’ या स्पर्धेचे बक्षीस वितरण घरपोच करण्यात येईल. प्रथम, द्वितीय, तृतीय व दोन उत्तेजनार्थ काढण्यात येतील व त्यांना आकर्षक बक्षीस दिले जाईल. स्पर्धकांनी नावनोंदणी आजपासून १ मे २०२० पर्यंत करावी. दि. ३ मे २०२० रविवार रोजी ९८२३७७५०४४ या क्रमांकावर स्वतः या गार्डनमध्ये उभे राहून ३ वेगवेगळ्या अँगलने फोटो पाठवावे तसेच या स्पर्धेचा निकाल ७ मे २०२० रोजी लागणार आहे अशी माहिती यावेळी योगेश पांडकर यांनी दिली.