सलग ७९ वेळा रक्तदान, महेश्वर तेटांबे यांचा विक्रम

मुंबई – सिने नाट्य दिग्दर्शक, पत्रकार महेश्वर तेटांबे यांनी एक नवा विक्रम प्रस्थापित केलेला आहे. नुकत्याच संपन्न झालेल्या नायगाव दादर येथील दक्षिण मध्य जिल्हा कॉंग्रेस सहकार सेल आणि अखिल भारतीय मराठी चित्रपट निर्माता महामंडळ यांच्या संयुक्त विद्यमाने आयोजित केलेल्या रक्तदान शिबिरात सहभागी होऊन तेटांबे यांनी विक्रमी रक्तदान केलं.

सध्या कोविडमुळे रक्ताचा तुटवडा जास्त प्रमाणांत वाढल्यामुळे रक्तदान करणे ही काळाची गरज बनली आहे त्याचप्रमाणे रक्तदान हे एक पवित्र आणि सामाजिक कार्य आहे.. आपण समाजाचे काहीतरी देणं लागतो यां उद्देशाने सामाजिक बांधिलकी आणि कर्तव्य जपत जवळजवळ आतापर्यंत ७९ वेळा रक्तदान करण्याचे पवित्र कार्य माझ्या हातून घडले.. हे केवळ तुमच्या सर्व मित्रं मैत्रिणी तसेच सेवाभावी सामजिक संस्था यांनी ठेवलेला विश्वास… त्यांच्या शुभेच्छा..आणि आशिर्वाद… यांमुळेच हे सहज शक्य झाले. आणि नक्कीच मी रक्तदानाची शंभरी पार करेन असे आमच्या प्रतिनिधीशी बोलताना सांगितले.