IT कंपनी भारतातील फ्रेशर्स आणि प्रोफेशनल्सना देणार Jobs

नामांकित IT कंपनी Cognizant नं एक मोठी घोषणा केली आहे. Cognizant भारतात मोठ्या प्रमाणावर पदभरती करणार आहे. फ्रेशर्स आणि प्रोफेशनल्ससाठी ही भरती असणार आहे. कंपनीने 2021 मध्ये अंदाजे 30,000 नवीन पदवीधरांना ऑनबोर्ड करण्याची आणि 2022 साठी भारतातील नवीन पदवीधरांना 45,000 ऑफर देण्याची घोषणा केली होती. कॉग्निझंटने या आर्थिक वर्षात सुमारे एक लाख लॅटरल कर्मचार्‍यांची भरती करण्याची घोषणाही केली होती. त्यानुसार आता कंपनीमध्ये जॉब्सच्या संधी उपलब्ध होणार आहेत.

Graduates Jobs in IT- सध्या, Cognizant यूएस-आधारित आयटी कंपनीची एकूण संख्या 3,00,000 पेक्षा जास्त आहे आणि बहुतेक कर्मचारी भारतात काम करत आहेत. आयटी मेजर लवकर करिअर, अनुभवी व्यावसायिक आणि एक्झिक्युटिव्हसाठी अर्ज आमंत्रित करणार आहे.

अमेरिकन आयटी कंपनी Cognizant या वर्षी जवळपास एक लाख लोकांना नोकरी देणार आहे. कॉग्निजेंटचे भारतात जवळपास 2 लाख कर्मचारी आहेत. या कंपनीचे आर्थिक वर्ष जानेवारी ते डिसेंबर असे असते. कंपनीने सांगितलं की, जूनच्या तिमाहीमध्ये त्यांच्या एकूण उत्पन्नात 41.8 टक्के वाढ झाली असून ते 51.2 कोटी अमेरिकन डॉलर म्हणजेच भारतीय चलनानुसार 3 हजार 800 कोटी रुपये इतकं झालं आहे. कंपनीने जून 2020 च्या तिमाहीत एकूण उत्पन्न 36.1 कोटी डॉलर्स इतकं होतं.

कॉग्निजेंटचे मुख्य वित्तीय अधिकाऱ्यांनी सांगितलं की, सेवांच्या कक्षा विस्तारण्यासाठी ग्राहकांची मागणी पूर्ण करण्यासाठी कर्मचारी भरती सुरु ठेवली असून त्यामध्ये कंपनी गुंतवणूक करत आहे. जूनच्या तिमाही अखेरपर्यंत कंपनीतील कर्मचाऱ्यांची संख्या 3 लाखांपर्यंत पोहोचली आहे.