परभणीत दोन दिवस भक्तोत्सव अ. भा. कला महोत्सवाचे आयोजन

परभणी प्रतिनिधी –
ज्ञानेश ध्रुपद संगीत व शिक्षण प्रसारक संस्था,परभणीच्या वतीने वै. तालमणी पं. भक्तराज ज्ञानोबा भोसले यांच्या तृतीय पुण्यस्मरणानिमित्त व 76 व्या प्रजासत्ताक दिनानिमित्त परभणी येथील श्री शिवाजी महाविद्यालय येथे दिनांक 25 व 26 जानेवारी रोजी भक्तोत्सव अखिल भारतीय कला महोत्सवाचे आयोजन करण्यात आले आहे. या वर्षीचा महोत्सव उ.झाकिर हुसैन, चित्रपट दिग्दर्शक श्याम बेनेगल आणि उद्योगपती श्री रतन टाटा यांच्या पवन स्मृतीस समर्पित करण्यात आला आहे.
25 जानेवारी रोजी सकाळी 8 वाजता अ. भा. शास्त्रीय मृदंग सोलो वादन स्पर्धा सुरुवात होणार आहे व 25 जानेवारी रोजी सायंकाळी 6 वाजता महोत्सव उद्घाटन समारंभ व त्यानंतर बडोदा येथून येणारे पं. चिंतनजी उपाध्याय यांचे ध्रुपद गायन होणार आहे व त्यांना पखावज साथ पं. उद्धव बापू आपेगांवकर करणार आहेत. त्यानंतर महफिल द बॅंड मुंबई यांचा इंडो वेस्टर्न फ्युजन बँड चा कार्यक्रम होणार आहे त्यात अनादी नागर, आत्मप्रकाश मिश्रा, मुकुटराज कश्यप आणि ऋतुराज भोसले हा कार्यक्रम सादर करणार आहेत.
26 जानेवारी रोजी सायं 6 वाजता समारोप समारंभ स्पर्धेचे बक्षीस वितरण व मृदंग भक्तराज युवा पुरस्काराचे वितरण होईल यात स्पर्धेचे प्रथम बक्षीस 11,000 श्री विठ्ठल डेव्हलपर्स व बिल्डर्स चे श्री नंदकिशोर डोंबे पाटील यांच्याकडून तर द्वितीय पारितोषिक 7,000 स्वरांजली संगीत विद्यालय चे प्रा.व्यंकटेश परांडे यांचे कडून तसेच 5,000 तृतीय पारितोषिक डॉ. विनायक ढगे न्यूरोसर्जन परभणी आय सी यु तर्फे व 2000 उत्तेजनार्थ पारितोषिक संस्थेद्वारे देण्यात येईल. त्यानंतर मृदंग भक्तराज युवा पुरस्कार 2024 चे विजेते श्री स्वप्निल सूर्यवंशी यांचे मृदंग सोलो वादन होईल. त्यानंतर कार्यक्रमाचे मुख्य आकर्षण असलेल्या विदुषी आरती ताई अंकलीकर टिकेकर यांचे शास्त्रीय गायन व भजन संध्या होणार आहे.
तरी कार्यक्रमास सामाजिक, राजकीय, उद्योगिक, वैद्यकीय, पत्रकारिता, सांस्कृतिक व अन्य क्षेत्रातील रसिक श्रोते मान्यवर उपस्थित राहणार आहेत. तरी सर्व परभणीकरांनी या कार्यक्रमास उपस्थित राहून लाभ घ्यावा अशी विनंती संस्थेचे अध्यक्ष व बाल श्री राष्ट्रपती पुरस्कार प्राप्त मृदुंग वादक श्री ऋतुराज भक्तराज भोसले व भक्तोत्सव नियोजन समितीच्या वतीने करण्यात आले आहे