“ऑपरेशन सिंदूर ” ला पाठिंबा व यशस्वीतेसाठी सेलूत बालाजी मंदिरात सामूहिक प्रार्थना

सेलू / प्रतिनिधी – पहलगाम येथील दहशतवाद्यांच्या भ्याड हल्ल्याला प्रत्युत्तर देण्यासाठी भारतीय लष्कराकडून “ऑपरेशन सिंदूर” राबवले जात आहे, त्याला पाठींबा देण्यासाठी , लष्करी मोहिमेच्या यशस्वीते साठी तसेच राष्ट्रीय ऐक्य, देशाचे सार्वभौमत्व, अखंडत्व आणि देशाच्या संरक्षणासाठी सिमेवर लढा देणाऱ्या भारतीय सेना दलाच्या विजयासाठी येथील बालाजी मंदिरात शुक्रवार दिनांक ९ मे रोजी सामुहिक प्रार्थनेचे आयोजन करण्यात आले होते.

या सामूहिक प्रार्थनेसाठी शहरातील युवक- युवती, महिला, जेष्ठनागरीक मोठ्या संख्येने सहभागी झाले होते. या वेळी सामुहिक हणुमान चालीसा, रामरक्षा स्तोत्र पठण व प्रार्थना घेण्यात आली.

देशाच्या संरक्षणा साठी सिमेवर लढणाऱ्या प्रत्येक विर जवानांना प्रार्थनेच्या माध्यमातून मनोधैर्य व आत्मबल वाढावे,तसेच सर्व नागरिकांनी शांतता, संयम बाळगावा,एकजुटीने राहावे, अफवांवर विश्वास ठेवू नये, अफवा पसरवू नये, धार्मिक सलोखा व सामंज्यस्याचे पालन करावे शासनाच्या आवाहना नुसार प्रत्येक नागरिकांनी आपल्या कर्तव्याचे पालत करावे , मातृभूमिच्या रक्षणासाठी सिमेवर लढणाऱ्या सैन्यावर पूर्ण विश्वास ठेवावा असे आवाहन करण्यात आले.