व्हॉईस ऑफ मीडियाची जिल्हा कार्यकारणी जाहीर,कार्याध्यक्षपदी कैलास चव्हाण तर सचिवपदी श्रीकांत देशमुख यांची फेरनिवड

परभणी,दिनांक 22
व्हॉइस ऑफ मीडिया या संघटनेची जिल्हा कार्यकारणी बिनविरोध जाहीर करण्यात आली. यामध्ये जिल्हा कार्याध्यक्ष म्हणून कैलास चव्हाण यांची तर सचिवपदी श्रीकांत देशमुख यांची सलग तिसऱ्यांदा फेरनिवड करण्यात आली आहे.

व्हॉईस ऑफ मीडिया संघटनेच्या नूतन कार्यकारणी निवडीसाठी परभणीत बैठक पार पडली. संघटनेचे राष्ट्रीय अध्यक्ष संदीप काळे,राज्य सह सरचिटणीस सुरज कदम,राज्य कार्याध्यक्ष विजय चोरडिया, राज्य संघटक विजय पाटील यांच्या मान्यतेने कार्यकारीनी बिनविरोध निवडण्यात आली.
संघटनेचे मराठवाडा उपाध्यक्ष विशाल माने,सदस्य प्रवीण चौधरी, संघटनेचे जिल्हाध्यक्ष गजानन देशमुख, ज्येष्ठ पत्रकार शिवाजी वाघमारे, दत्तात्रय कराळे यांच्या उपस्थितीमध्ये कार्यकारणीला मान्यता देण्यात आली.
यावेळी जिल्हाध्यक्ष देशमुख यांनी नूतन कार्यकारणी जाहीर केली. यामध्ये कार्याध्यक्ष म्हणून कैलास चव्हाण यांची सर्वानुमते निवड करण्यात आली. सरचिटणीसपदी श्रीकांत देशमुख, जिल्हा कार्यकारणीमध्ये उपाध्यक्ष म्हणून शिवाजी वाघमारे, बाळासाहेब काळे,सय्यद युसुफ,विजय कुलकर्णी, सहसरचिटणीस गणेश पाटील,कोषाध्यक्ष मारुती जुंबडे,कार्यवाहक म्हणून अमोल लंगर,दत्तात्रय कराळे, प्रवक्ता शेख मुबारक,संघटक म्हणून मंचक देशमुख, सुधीर बोर्डे, दिलीप बोरुळ, संतोष मगर, जिल्हा सदस्य विठ्ठल भिसे,राजेश काटकर, विनायक देसाई,खालेद नाज,प्रदीप कांबळे,मधुकर खंदारे,यांची निवड करण्यात आली.
या बैठकीला शहर कार्यकारणीतील राजन मंगरूळकर,दिवाकर माने, संतोष गवळी, शैलेश काटकर उपस्थित होते.
तसेच डिजिटल मीडिया कार्यकारणीचे जिल्हाध्यक्ष सुदर्शन चापके यांच्यासह सदस्य योगेश गौतम, शंकर झटे, संजय घनसावंत, बालाजी कांबळे, सय्यद जमील, बाळासाहेब घिके,शेख माबूद यांचीही उपस्थिती होती.

प्रदेश संघटक विजय पाटील यांच स्वागत
व्हॉईस ऑफ मीडियाचे प्रदेश संघटक विजय पाटील हे यापूर्वी हिंगोली येथे होते,त्यांची बदली परभणी येथे झाल्यानंतर विजय पाटील यांचे व्हॉईस ऑफ मीडिया परभणी जिल्हा कार्यकारणीच्या वतीने सत्कार करण्यात आला.यावेळी ज्येष्ठ पत्रकार दत्तात्रय कराळे यांनी व्हॉईस ऑफ मीडियामध्ये प्रवेश घेतला. त्यांचाही यावेळी सत्कार करण्यात आला.