साडे चार हजार लाडक्या बहिणींची माघार,मंत्री आदिती तटकरेंनी सांगीतली पुढची भुमीका

ज्या महिला या योजनेसाठी पात्र नाहीत तरीही त्यांनी अर्ज केले आहेत अशा महिलांचे पैसे परत घेतले जाणार का?

याबाबत आदिती तटकरे म्हणाल्या की, आता साडेचार हजार महिला पुढे आल्या आहेत. त्यांनी अर्ज माघारी घेतले आहेत. आम्ही या महिलांचे पैसे परत घेणार नाहीत उलट इतर महिलांनीही पुढे येऊन अर्ज माघारी घ्यावेत. पडताळणीत जर काही त्रुटी आढळल्या तर त्या महिलांना याबाबत माहिती दिली जाईल. त्यानंतर या महिलांनी पैसे जमा केल्यानंतर ते सरकारी तिजोरीत जमा केले जाणार आहे.

शासकीय कार्यालयात लाभ थांबवण्याची विनंती करणारे अर्ज

स्थानिक पातळीवरील शासकीय कार्यालयात योजनेचे लाभ थांबवण्याची विनंती करणारे अर्ज येत आहेत, अशी माहिती आहे. राज्यातून दोन कोटी 63 लाख महिलांनी या योजनेसाठी अर्ज केले. दोन कोटी 47लाख महिला पात्र ठरल्या आहेत. त्यातील दोन कोटी 34 लाख बहिणींना विधानसभा निवडणुकी अगोदर पाच महिने दरमहा दीड हजार रुपये देण्यात आले होते. पडताळणीनंतर तीन ते चार लाख महिला योजनेतून अपात्र ठरतील, असा अंदाज वर्तवला जात आहे.

या संकेतस्थळावर करता येणार अर्ज

मुख्यमंत्री माझी लाडकी बहीण योजनेच्या निकषांनुसार पात्र नसताना देखील ज्यांनी अर्ज केले आहेत, त्यांनी स्वतःहून लाभासाठी पात्र नसल्याचे योजनेच्या https://ladakibahin.maharashtra.gov.in या संकेतस्थळावरील ‘तक्रार निवारण’ या पर्यायात ऑनलाइन भरून द्यायचे आहे.