ह.भ.प. बंडा तात्या कराडकरांच्या हस्ते गोमाता महाद्वाराचे उदघाटन

पुणे,दि 18 (प्रतिनिधी)ः
श्री गुरु दत्त सेवा मंडळ, संभाजीनगर चिंचवड येथे नुकतेच गोमाता महाद्वाराचे उदघाटन वारकरी संप्रदायाचे अध्यक्ष ह.भ.प. बंडातात्या महाराज कराडकरांच्या हस्ते पार पडले. यावेळी बंडा तात्यांनी गोमातेच्या महाद्वाराचे पूजन करून पुष्पहार अर्पण केले. यावेळी बोलताना बंडातात्यांनी ” दत्ताला गाय प्रिय आहे आणि मंडळाने गायीचे प्रवेश द्वार साकारले आहे म्हणजे ३३ कोटी देवतांचे दर्शन झाले.” असे प्रतिपादन यावेळी केले.
गाईच्या महाद्वारातून आत प्रवेश करणे व श्री दत्त दर्शनना नंतर पुन्हा दुसऱ्या गाईच्या प्रवेश द्वारातून बाहेर पडणे असे हे पहिलेच मंदिर असल्याचे समजते. यामुळे पिंपरी चिंचवडला या निमित्तीने आणखी वेगळी ओळख मिळाली आहे. यावेळी मंडळाचे अध्यक्ष श्री.शामकांत मोरे, उपाध्यक्ष श्री.दिलीप सावंत, सेक्रेटरी श्री.दिपक पालांडे, खजिनदार श्री.अभिमन्यू भारसाखळे तसेच मंडळाचे आदी विश्वस्त तथा सदस्य आणि भाविक भक्त मोठ्या प्रमाणावर उपस्थित होते.