भाजप खासदाराच्या डोक्याला जबर मार, राहुल गांधींवर आरोप

राहुल गांधी काय म्हणाले?

राहुल गांधी म्हणाले की, “हे संसदेच प्रवेशद्वार आहे. भाजपचे खासदार मला ढकलत होते. धमकावत होते. भाजप खासदारांनी प्रवेशद्वार रोखून धरलं होतं. ते मला सतत ढकलत होते, धमकावत होते”

प्रतापचंद्र सारंगींनी केला गंभीर आरोप

भाजप खासदार प्रतापचंद्र सारंगी म्हणाले, “मी पायऱ्यांजवळ उभा असताना राहुल गांधी आले आणि माझ्यावर पडलेल्या खासदाराला राहुल गांधींनी धक्का दिला आणि त्यानंतर मी खाली पडलो. ” याचदरम्यान प्रताप सारंगी यांची प्रकृती खालावल्यामुळे त्यांना रुग्णवाहिकेतून रुग्णालयात नेण्यात आले. फरुखाबादचे खासदार मुकेश राजपूत यांनीही राहुल गांधींवर धक्काबुक्की केल्याचा आरोप केला आहे. त्यांना आयसीयूमध्ये दाखल करण्यात आले आहे.

माणिकम टागोर यांचा खुलासा

“भाजपचे लोक नाटक करत आहेत. या घटनेबाबत आम्ही लोकसभा अध्यक्षांची भेट घेणार आहोत. या घटनेपूर्वी
राहुल गांधी आणि प्रियांका गांधींच्या नेतृत्वाखाली भारत आघाडीच्या खासदारांनी संसदेच्या संकुलातील बाबासाहेब आंबेडकर पुतळ्याजवळ निषेध मोर्चा काढला होता.” असं वक्तव्य काँग्रेसचे खासदार बी. माणिकम टागोर यांनी केलं.