जिल्हाधिकारी कार्यालयासमोर मुख्याध्यापक संघाचे धरणे मंगळवारी आंदोलन

परभणी,दि 05 ः
 राज्यातील शिक्षक व शिक्षकेतर कर्मचाऱ्यांच्या विविध शैक्षणिक समस्या सोडविण्याच्या मागणीसाठी परभणी जिल्हा माध्यमिक व उच्च माध्यमिक शाळा मुख्याध्यापक संघाच्या वतीने आज मंगळवार दिनांक 6 ऑगस्ट 2024 रोजी येथील जिल्हाधिकारी कार्यालयासमोर दुपारी 2 ते 6 या वेळेत धरणे आंदोलन करण्यात येणार असून यात जिल्ह्यातील मुख्याध्यापक शिक्षक व शिक्षकेतर कर्मचारी यांनी मोठ्या संख्येने सहभागी होऊन धरणे आंदोलन यशस्वी करावे असे आवाहन परभणी जिल्हा मुख्याध्यापक संघाच्या वतीने करण्यात आले आहे.
राज्यातील अंशतः अनुदानित, विनाअनुदानित प्राथमिक, माध्यमिक व उच्च माध्यमिक विद्यालयातील शिक्षक व शिक्षकेतर कर्मचारी यांना प्रचलित धोरणानुसार अनुदान टप्पा तात्काळ लागू करावा. 1 नोव्हेंबर 2005 पूर्वी नियुक्त व 1 नोव्हेंबर 2005 नंतर अनुदानावर आलेल्या विद्यालयातील शिक्षक व शिक्षकेतर कर्मचाऱ्यांना जुनी पेन्शन योजना तात्काळ लागू करावी. 15 मार्च 2024 चा सुधारित संच मान्यता शासन निर्णय रद्द करून शाळा तेथे मुख्याध्यापक पद हे धोरण असावे. 15 मार्च 2024 रोजीचा वर्ग 5 वी व 8 वीच्या वर्गाचा दर्जा वाढ निर्णय तात्काळ रद्द करावा. शिक्षक व शिक्षकेतर कर्मचारी भरती तात्काळ सुरू करावी. राज्यातील शिक्षक व शिक्षकेतर कर्मचाऱ्यांना कॅशलेस मेडिकल योजना तात्काळ लागू करावी. 1 नोव्हेंबर 2005 नंतर सेवेत नियुक्त शिक्षक व शिक्षकेतर कर्मचाऱ्यांना जुनी पेन्शन योजना लागू करावी. आधी मागण्यासाठी परभणी जिल्हा मुख्याध्यापक संघाच्या वतीने हे धरणे आंदोलन करण्यात येणार आहे. या आंदोलनात मुख्याध्यापक, शिक्षक व शिक्षकेतर कर्मचाऱ्यांनी सहभागी व्हावे असे आवाहन मुख्याध्यापक संघाचे विभागीय उपाध्यक्ष देविदास उमाटे कार्यकारीणी सदस्य गणेश शिंदे, शिवाजी पाचकोर जिल्हा मुख्याध्यापक संघाचे अध्यक्ष बालासाहेब भांगे, सचिव देवानंद अंबुरे, उपाध्यक्ष दिगंबर मोरे, राजकुमार धबडे, सहसचिव उपेंद्र दुधगावकर, कोषाध्यक्ष रंगनाथ चव्हाण सह कोशाध्यक्ष विष्णूमुंढे ,प्रसिद्धीप्रमुख गोविंद चोरघडे, संस्थाचालक संघटनेचे अध्यक्ष विवेक नावंदर, संतोष धारासुरकर,कार्याध्यक्ष उदय देशमुख, सचिव बळवंत खळीकर, उपाध्यक्ष सूर्यकांत हाके, मु .अ.संघाचे प्रकाश हरगावकर, निशांत हाके, सौ. जया जाधव, श्रीमती वंदना कुंभेकर, राजेंद्र कांबळे, श्यामसुंदर शेळके, बळीराम वटाणे, शेख अक्रम, गणेश शिंगोटे, रामदास मुंढे सारंगधर पवार, उद्धव भुसारे शिवसांभ उर्फ बाबा सोनटक्के, प्रदीप कौसडीकर आदींनी केले आहे.