जिल्हास्तरीय विज्ञान मेळाव्यात सेलूची प्रिन्स इंग्लिश स्कूल प्रथम; विभागीय स्तरावर निवड

सेलू / प्रतिनिधी – येथील श्रीराम प्रतिष्ठान संचलित एल के आर रोडगे प्रिन्स इंग्लिश स्कूल ची विद्यार्थिनी कु. तनिष्का अनंत तेलभरे वर्ग 9 वी हिने अखिल भारतीय जिल्हास्तरीय विज्ञान मेळाव्यात मानाचा तुरा खोवला असून प्रथम क्रमांक पटकावला आहे .

त्यामुळे तिची अखिल भारतीय जिल्हास्तरीय विज्ञान मेळाव्यासाठी नीवड झाली आहे .
परभणी जिल्ह्यातून सर्व तालुक्यातील निवड झालेले विद्यार्थी सहभागी झाले होते. या अखिल भारतीय विज्ञान मेळाव्यासाठी कृत्रिम बुद्धिमत्ता या विषयावर सुरुवातीला विद्यार्थ्यांची बहुपर्यायी प्रश्नांची परीक्षा घेण्यात आली, तसेच विद्यार्थ्यांचे भाषण कौशल्य, पावर पॉइंट प्रेझेंटेशन व परीक्षकांनी विद्यार्थ्यांना विचारलेल्या प्रश्नाच्या आधारे विभागीय विज्ञान मेळाव्यासाठी परभणी जिल्ह्यातून दोन विद्यार्थ्यांची निवड झाली आहे. तरी कुमारी तनिष्का अनंत तेलभरे या विद्यार्थिनीने सर्व कसोट्यावर उत्तम मार्क्स मिळवून अप्रतिम प्रदर्शन केले व सर्वांची मने जिंकली. जिल्हास्तरीय विज्ञान मेळाव्यासाठी विज्ञान शिक्षक नारायण चौरे यांचे तीला मार्गदर्शन मिळाले.

या यशासाठी श्रीराम प्रतिष्ठान सेलू संस्थेचे संस्थापक अध्यक्ष डॉ संजय रोडगे, सचिव डॉ सविता रोडगे, प्रशासकीय अधिकारी प्रा महादेव साबळे, प्रिन्सिपल कार्तिक रत्नाला,प्रगती क्षीरसागर, शाळेतील शिक्षक यांनी अभिनंदन करून पुढील प्रवासासाठी शुभेच्छा दिल्या.