सोमवार पासून पाथरीत रंगणार कबड्डीचा थरार

बुवा साळवी क्रिडानगरी पाथरी – श्री साईबाबांच्या जन्मभूमी पाथरी मध्ये रंगणार कबड्डीचा थरार. महाराष्ट्र राज्य कबड्डी असोसिएशनच्या मान्यतेने व परभणी जिल्हा कबड्डी असोसिएशनच्या सहकार्याने आणि साई क्रीडा मंडळ च्या संयुक्त विद्यमाने किशोर-किशोरी गट व महिला राज्य अजिंक्यपद निवड चाचणी कबड्डी स्पर्धा दिनांक २० ते २४ डिसेंबर २०२१ या दरम्यान कबड्डी महर्षी शंकरराव उर्फ बुवा साळवी क्रीडा नगरी च्या मैदानावर कबड्डीचा थरारकसुर घुमणार आहे.पाथरीकराना कबड्डीचे सामने बघण्याची पुन्हा एकदा पर्वणीच ठरणार आहे.

स्पर्धेच्या कार्यक्रमाचे अध्यक्ष आ.सुरेशराव वरपुडकर तथा अध्यक्ष- परभणी जिल्हा कबड्डी असोसिएश,उदघाटक आ.बाबाजानी दुर्रानी, प्रमुख पाहुणे म्हणून महाराष्ट्र कबड्डी असोसिएशन चे सरकार्यवाह ॲड.आस्वादजी पाटिल ,कृ. उ .बा.समिती पाथरीचे सभापती मा.अनिलराव नखाते, जन्मभुमि फाऊंडेशन चे अध्यक्ष मा.सदाशिवराव थोरात, राष्ट्रीय खेळाडु सचिन भोसले यांची उपस्थिती लाभणार आहे.
२२ डिसेंबर पासुन होत असलेल्या महिला राज्य अजिंक्यपद निवड चाचणी कबड्डी स्पर्धेच्या अध्यक्षा सौ.भावनाताई नखाते व उदघाटक म्हणून परभणी जिल्हा मध्यवर्ती बँकेच्या संचालिका सौ.प्रेरणाताई वरपुडकर, नगराध्यक्ष पाथरीच्या सौ मीना भोरे,पंचायत समिती पाथरीच्या सभापती सौ.कल्पना थोरात,यांची उपस्थिती राहणार आहे,दिनांक २४ डिसेंबर पारितोषिक वितरण सोहळ्याचे अध्यक्ष प्रा.सुरेश जाधव तर बक्षिस वितरण गट नेते जुनेदभैय्या दुर्रानी यांच्या हस्ते होणार आहे.प्रमुख पाहुणे दादासाहेब टेंगसे माजी सभापती जि.प.परभणी,मुंजाजीराव भाले पाटिल माजी नगराध्यक्ष पाथरी,शिवसेना नेते सुरेश बप्पा ढगे,महादेव साठे सहकार्यवाह महाराष्ट्र राज्यकबड्डीअसोसिएशनयांची उपस्थित राहणार आहे.