व्हॉट्सॲप देणार वाढदिवसाची माहीती,लवकरच होणार बदल..

प्रसिद्ध मेसेजिंग ॲप व्हॉट्सॲपमध्ये  मागील काही दिवसांपासून एका मागून एक बदल करताना दिसत आहेत. आपल्या यूजर्सकडून फीडबॅक घेऊन Whatsapp आपल्या मेसेजिंग ॲपमध्ये नवनवीन फीचर्स आणत आहेत.आता यामध्ये एक खास नवीन हटके फीचर येणार आहे, ज्यामुळे आता तुम्ही तुमच्या कॉन्टॅक्टमधल्या कोणाचाच बर्थडे विसरणार नाही. सध्या हे नवं फीचर बीटा टेस्टिंगमध्ये आहे. पण लवकरच हे व्हॉट्सअॅप कॉन्टॅक्ट एडिट फीचर आणले जाण्याची शक्यता आहे. सध्या तरी व्हॉट्सअॅपमधून कोणतही कॉन्टॅक्ट एडीट करता येत नाही. यासाठी तुम्हाला फोनच्या कॉन्टॅक्ट लिस्टमध्ये जावं लागतं. तसंच, जेव्हा तुम्ही एखाद्याचा नंबर फोनमध्ये सेव्ह करता तेव्हा तो नंबर व्हॉट्सअॅपवर दिसतो. पण या नवीन कॉन्टॅक्ट एडिट फीचरमुळे बऱ्याच गोष्टी बदलणार आहेत. आता यापुढे व्हॉट्सॲपकडून ॲपमध्येच एडिट फीचर दिले जात आहे. म्हणजे यूजर्स व्हॉट्सअॅपमधून बाहेर न पडता कॉन्टॅक्टमध्ये बदल करू शकतील. रिपोर्टनुसार, WhatsApp चे नवीन फीचर सुरुवातीला अँड्रॉईड यूजर्ससाठी आणले जाऊ शकते. सध्या, संपर्क फोन स्टोरेज किंवा Google खात्याशी जोडलेले आहेत. मात्र, आता तुम्ही व्हॉट्सअॅपवरही कॉन्टॅक्ट एडिट करू शकणार आहात. पण यातील एक सर्वात भारी गोष्ट म्हणजे या एडिटिंग दरम्यान तुम्ही कॉन्टॅक्ट लिस्टमध्ये समोरील व्यक्तीचा वाढदिवस आणि ईमेल आयडी हे देखील सेव्ह करु शकता. ज्यामुळे कॉन्टॅक्टमधील ज्याही व्यक्तीचा बर्थडे सेव्ह आहे, त्याच्या बर्थडे वेळी वापरकर्त्याला कळून येणार आहे.

WABetaInfo च्या रिपोर्टनुसार, WhatsApp Android बीटा वापरकर्त्यांसाठी एक नवीन UI संपर्क देखील दिला जाईल. नवीन फीचर 2.23.8.2, 2.23.8.4, 2.23.8.5 आणि 2.23.8.6 वापरकर्त्यांसाठी काही वापरकर्त्यांसाठी आणले गेले आहे. जे लवकरच उर्वरित युजर्ससाठी रोल आउट केले जाऊ शकते. दरम्यान Whatsapp च्या नव्या फीचर्सबद्दल माहिती देणाऱ्या WABetainfo ने दिलेल्या माहितीनुसार Whatsapp चं यूजर्स इंटरफेस (UI) पुढील काही अपडेट्सनतंर पूर्णपणे बदलणार आहे. कंपनीने केलेल्या क्लीन UI टेस्टिंगनंतर आता अँड्रॉईडमध्येही IOS म्हणजेच आयफोनप्रमाणे इंटरफेस दिला जाणार आहे.त्यामुळे आता अँड्रॉईड वापरकर्त्यांना देखील आयफोनप्रमाणे सर्व टॅब्स या खालच्या बाजूला दिसणार आहेत. त्यामुळेअँड्रॉईड वापरकर्त्यांसाठी Whatsapp चा चेहरा-मोहरा बदलणार आहे.