माजलगांवात सोशल डिस्टन्सचे उल्लंघन; व्यापारी महासंघ अध्यक्षासह ५ व्यापाऱ्यांवर गुन्हे दाखल
माजलगांव, प्रतिनिधी – शहरात विविध दुकानात खरेदीसाठी येणाऱ्या लोकांची मोठी गर्दी करून मास्क न लावणे व सोशल डिस्टन्सचे उल्लंघन केल्याप्रकरणी शहरातील व्यापारी महासंघाच्या अध्यक्षासह पाच दुकांनदारावर गुन्हे दाखल करण्यात आले आहेत.
कोरोनाच्या पार्श्वभूमीवर कुठल्याही दुकानात गर्दी न करता अंतर राखून व मास्क लावून तसेच सॅनटायझर वापरून व्यवसाय करायचा या सूचना देऊन जिल्हाधिकारी यांनी दुकाने सुरू करावयास परवानगी दिलेली आहे.असे असताना शहरातील अनेक कापड दुकानात या नियमांचे सर्रासपणे उल्लंघन करून एका वेळेस १००-१५० लोकांची गर्दी होत असते. याबाबत काही दुकानदार यांना यापूर्वी समज देऊन सोडून दिले होते.यांनंतरही अनेक दुकानांत नियमांचे उल्लंघन होत असल्याने गुरुवारी सायंकाळी पोलीस निरीक्षक सुरेश बुधवंत, उपनिरीक्षक अविनाश राठोड ,विजय थोटे, सुभाष शेटे,खिझर पाशा,भास्कर राऊत,विनायक अंकुशे,दिलीप सरवदे यांच्यासह पथकाने व्यापारी महासंघाचे अध्यक्ष सुरेंद्र रेदासनी यांच्या संजय ड्रेसेस,कुमार ड्रेसेसचे रिखबचंद मुगदिया,समर्थ ड्रेसेसचे हनुमान शिंदे, जावेद तौफिक सिद्दीकी यांचे सैराट मोबाईल, दत्तात्रय गायकवाड यांचे पुना पावभाजी अशा पाच दुकांनदारांवर गर्दी करून सोशल डिस्टन्सचे उल्लंघन केल्याप्रकरणी १८८,२६९ प्रमाणे गुन्हे दाखल करण्यात आले आहेत. त्यामुळे एकच खळबळ उडाली आहे.
अबब… वनामकृविचे सोयाबीन बियाणे नापास, शेतकर्यांची फसवणूक