नववर्षाच्या सेलिब्रेशनसाठी महाराष्ट्र सरकारची मार्गदर्शक तत्वे, जाणून घ्या कोणत्या गोष्टींवर बंदी

मुंबई – Maharashtra New Year Guidelines देशात कोरोनाच्या नवीन ‘ओमिक्रॉन’ प्रकारांची प्रकरणे वेगाने वाढत आहेत. आतापर्यंत, भारतात कोरोनाच्या या नवीन प्रकाराची सुमारे 800 प्रकरणे नोंदवली गेली आहेत. कोरोनाची वाढती प्रकरणे आणि नवीन वर्ष पाहता केंद्र तसेच राज्य सरकार सतर्कतेच्या मार्गावर आले आहे. दिल्ली, उत्तर प्रदेश, मध्य प्रदेश, गुजरात, महाराष्ट्र आणि हरियाणासह देशातील अनेक राज्यांमध्ये रात्रीचा कर्फ्यू लागू करण्यात आला आहे. नवीन वर्ष साजरे करण्याबाबत अनेक राज्यांमध्ये मार्गदर्शक तत्त्वेही जारी केली जात आहेत. या सगळ्यात महाराष्ट्र शासनाच्या गृह विभागाने ३१ डिसेंबर (नववर्ष सेलिब्रेशन) संदर्भात मार्गदर्शक सूचना जारी केल्या आहेत.

शासनाच्या मार्गदर्शक सूचनांनुसार नवीन वर्षाच्या सेलिब्रेशनसंदर्भात कोणत्याही प्रकारचे कार्यक्रम आयोजित करण्यावर बंदी असेल. यासोबतच फटाक्यांवरही बंदी घालण्यात आली आहे. नवीन वर्षात रस्त्यावर गर्दी जमण्यास बंदी असेल. समुद्रकिनारी, उद्यान, रस्त्यावर गर्दी होऊ नये यासाठी पोलिसांचाही बंदोबस्त ठेवण्यात येणार आहे. त्याचवेळी गेट वे ऑफ इंडिया, मरिन ड्राइव्ह, गिरगाव चौपाटी, जुहू चौपाटीवर गर्दी होऊ नये आणि 60 वर्षांवरील आणि 10 वर्षांपेक्षा कमी वयाच्या लोकांनी 31 तारखेच्या रात्री घराबाहेर पडू नये, असा सल्ला देण्यात आला आहे. आहे. खुल्या मैदानात होणाऱ्या कार्यक्रमांमध्ये केवळ 25 टक्के क्षमतेपर्यंत परवानगी आहे, तसेच हॉल किंवा बंद सभागृहांमध्ये 50 टक्के क्षमतेची परवानगी आहे.