खेर्डा येथे वीज पडून ३ शेळ्या दगावल्या
सेलू / नारायण पाटील – तालुक्यात रविवारी रात्री वादळी वाऱ्यासह जोरदार पाऊस झाला. यामध्ये खेर्डा येथे रात्री झालेल्या पावसाने शेतातील आखाड्यावर वीज पडून तीन शेळ्या जागीच मरण पावल्या व आखाड्यावरील घराचे वरील पत्रे उडून गेली.
तसेच तालुक्यातील अनेक शेतकऱ्यांचे मोठे नुकसान झाले आहे. खेर्डा येथील गट नंबर १४२ मध्ये अमोल बालासाहेब काळे यांचे शेत आहे. रविवारी रात्री साडेनऊ ते दहा वाजेच्या दरम्यान जोरदार वादळी वाऱ्यासह पाऊस सुरु असताना आखाड्यावरील घरावर वीज कोसळली. व आखड्यावरील तीन शेळ्या दगावल्या व घरावरील पत्रे उडून गेली.
यामध्ये अमोल काळे यांचे घरामधील असणारे साहित्य बी बियाणे खत तसेच संसार उपयोगी साहित्य देखील पावसाने भिजून नुकसान झाले आहे . जनावरांच्या अंगावर पत्रे पडल्यामुळे काही जनावरे देखील यावेळी जखमी झाली आहेत. पंधरा ते वीस शेळ्या पैकी तीन शेळ्या दगावल्या आहेत. त्यामुळे शेतकऱ्याचे नुकसान झाले आहे .