महावितरणच्या भरतीचा परीक्षार्थींना Shock : भाग-१

पुणे, सदाशिव पोरे – महावितरणने विद्युत सहाय्यकच्या ५ हजार आणि ऊपकेंद्र सहाय्यकच्या २ हजार जागांसाठीची जाहिरात एप्रिल/मे २०१९ मध्ये जाहीर केली होती. जुलै २०१९ मध्ये ऊपकेंद्र सहाय्यक साठी ऑनलाईन परीक्षा घेण्यात आली, १५ दिवसात निकाल जाहीर करण्याचे आश्वासन परीक्षार्थींना दिले होतं.

विद्युत सहाय्यक च्या ५ हजार जागा १० वी आणि आयटीआय च्या गुणावर आधारित भरल्या जाणार आहेत हे सांगितले गेलं. त्यानंतर जुन २०२० पर्यंत परीक्षार्थींना कोणत्याही सुचना करण्यात आल्या नाहीत. २४/२५ जुन २०२० ला ऊर्जामंञी नितीन राऊत यांनी ७ हजार जागा त्वरित भरण्याचे सोशल मिडियावर जाहीर केलं आणि तसे परिपञक काढले. ऊर्जामंञ्यांच्या आदेशानुसार २८ जुन २०२० ला राञी ८ वाजुन १ मिनिटांनी ऊपकेंद्र सहाय्यकची पहिली निवड यादी आणि जवळपास १ हजार लोकांची प्रतिक्षा यादी जाहीर झाली. ज्यामध्ये परीक्षेचे गुण दर्शविण्यात आले नाहीत. २९ जुनला दुपारी त्या दोन्ही याद्या संकेतस्थळावरुन काढण्यात आल्या अन् ३० जुनला दुपारी ३ वाजून ४७ मिनिटांनी सुधारीत यादी जाहीर झाली. दुसऱ्या वेळी जाहीर केलेल्या यादीत सुद्धा गुण जाहीर झालेले नाहीत. लवकरच वैयक्तिक गुणपञिका पाहण्याची संधी दिली जाईल असं सांगितले गेलं. त्यानुसार २ जुनला राञी गुण पाहण्याची लिंक ऊपलब्ध करुन देण्यात आली अन् काही तासातच ती लिंक हटवण्यात आली.