स्वाभीमानाच्या लढाईत साथ द्या-आनंद भरोसे यांचे आवाहन

परभणी,दि 18 ः
परभणी मतदार संघात मागील वीस वर्षापासून बाहेरच्या लोकांनी येऊन सत्ता गाजवली, येथील भूमिपुत्र संपवण्याची काम केले, त्यामुळे आता बाहेरच्या लोकांना घालवण्यासाठी परभणीकरांनी आपला स्वाभिमान जपत साथ द्यावी असे आवाहन शिवसेना महायुतीचे उमेदावार आनंद भरोसे यांनी केले.

प्रचाराच्या अखेरच्या दिवशी आनंद भरोसे यांनी परभणी शहरातील रामकृष्ण नगर, एकता नगर आदी भागात भेटी दिल्या. यावेळी नागरिकांशी संवाद साधला.यावेळी त्यांनी भावनिक आवाहन केले. ते म्हणाले, परभणी मतदार संघात वीस वर्षांपासून बाहेरचा उमेदवार निवडून येतो, बाहेरच्या लोकांनी परभणीत येऊन येथील भूमिपुत्र कार्यकर्ते, पदाधिकारी यांना संपवण्याचे काम केले. स्थानिक भूमिपुत्राला मोठे होऊ दिले नाही, नवोदित कार्यकर्त्याला देखील मोठे होऊ दिले नाही,त्याला कुठल्या प्रकरणात अडकून टाकले,त्यामुळे मतदारसंघात नेतृत्व तयार झाले नाही.त्यांना प्रतिस्पर्धी होऊ नये म्हणून त्यांनी काळजी घेतली.स्वपक्षात देखील उमद्या कार्यकर्त्यांचे खच्चीकरुन त्यांना जागेवरच दाबले तर विरोधी पक्षातील कार्यकर्त्यांना गावच्या बाहेर पडु दिले नाही. त्यामुळे आता वेळ आली आहे, भूमिपुत्राला सेवेची संधी देण्याची. परभणी मतदारसंघात आपली लढाई स्वाभिमानी भूमिपुत्र विरुद्ध धनशक्ती अशी आहे, त्यामुळे परभणीकरांनी आपल्याला प्रचारात भरभरून साथ दिली तशीच साथ मतदानाच्या वेळी द्यावी असे आवाहन भरोसे यांनी केले. भरोसे यांचे ठिकठिकाणी शहरात स्वागत झाले. यावेळी त्यांनी विविध मंदिरात जात आशीर्वाद घेतले.
अंबाभवानी नगर येथील कार्यकर्त्यांचा पाठींबा
शहरातील अंबाभवानी नगर येथील अंसख्य कार्यकर्त्यांनी महायुतीचे उमेदवार आनंद भरोसे यांना पाठींबा दिला आहे.आमच्या समस्या सोडविण्यासाठी  आम्हाला आमचा भुमीपुत्र पाहीजे अशी भुमीका घेत कार्यकर्ते,अंबाभवानी नगर वासीयांनी भरोसे यांच्या विजयाचा निर्धार केला.