प्रॉस्परस पब्लिक स्कूलमध्ये प्रेसिडेन्सीअल परीक्षेचा निकाल जाहीर

सेलु ( नारायण पाटील )

येथील श्रीराम प्रतिष्ठान संचलित प्रॉस्परस पब्लिक स्कूलमध्ये घेण्यात आलेल्या प्रेसिडेन्सीअल परीक्षेचा निकाल आज जाहीर करण्यात आला.संस्थेच्या वतीने घेण्यात आलेल्या सुंदर हस्ताक्षर ,निबंध लेखन ,सलाद सजावट ,हस्तकला ,एक मिनिट टॅलेंट ,विनोद आदी स्पर्धेतील विजेत्यांना देखील यावेळी गुलाब पुष्प देऊन सन्मानित करण्यात आले .
परीक्षेतील यशस्वी स्पर्धकांना मान्यवरांच्या हस्ते परितोषके वितरित करण्यात आली .
याप्रसंगी संस्थेचे संस्थापक अध्यक्ष डॉ. संजय रोडगे, प्राॅस्पेरस पब्लिक स्कूलच्या प्राचार्य प्रगती क्षीरसागर तसेच पालक प्रतिनिधी म्हणून रुपाली झोल,योगेश टेंभरे , चित्तेवाड सर आदी मान्यवर उपस्थित होते.
याप्रसंगी डॉ.संजय रोडगे यांच्या हस्ते परीक्षेतील विजेत्या विद्यार्थ्यांना क्रमांक -1 साठी केशरी कॅप,क्रमांक -2 साठी पिवळी कॅप व पुष्पगुच्छ देऊन गौरविण्यात आले .या कार्यक्रमात महाजन सर, टेंभरे सर ,रुपाली झोल इ.नी आपले शाळेबद्दलचे मनोगत व्यक्त केले. याप्रसंगी डॉ.संजय रोडगे यांनी विजयी विद्यार्थ्यांचे कौतुक करून ,सर्वांना मोलाचे मार्गदर्शन केले. कार्यक्रमांनंतर पालक सभा घेण्यात आली.
कार्यक्रमाचे सूत्रसंचलन दीपा सावंत यांनी केले .कार्यक्रम यशस्वीरित्या पार पाडण्यासाठी सर्व शिक्षकवृंद यांनी परिश्रम घेतले.