श्री शिवाजी महाविद्यालयाच्या वतीने संजय मुंढे यांचा सत्कार

परभणी,दि 22 ः
परभणी जिल्हा क्रीडा अधिकारी कार्यालयात खो-खो प्रशिक्षक म्हणून कार्यरत असलेले संजय मुंढे यांनी नुकताच हिंगोली जिल्हा क्रीडा अधिकारी म्हणून अतिरिक्त भार स्विकारल्याबद्दल श्री शिवाजी महाविद्यालयाचे प्राचार्य डॉ.बाळासाहेब जाधव यांच्या हस्ते सत्कार करण्यात आला.
मुंढे हे महाविद्यालयाचे माजी विद्यार्थी आहेत. त्यांची जिल्हा क्रीडा अधिकारीपदी नेमणूक झाल्याने माजी विद्यार्थी म्हणून आम्हाला त्यांचा अभिमान वाटतो. नक्कीच ते आपल्या कार्यशैलीतून स्वतःचा आणि महाविद्यालयाचा नावलौकिक वाढवतील असे गौरव उदगार यावेळी प्राचार्य डॉ.जाधव यांनी काढले.
सत्कार प्रसंगी डॉ.जयप्रकाश गायकवाड, क्रीडा संचालक डॉ.संतोष कोकीळ, प्रा.राजेसाहेब रेंगे आदींची उपस्थिती होती.