घराघरात विद्युत पोहोचवणारे हात म्हणजेच लाईनमन होय-सहाय्यक अभियंता पंडित राठोड

पूर्णा, सुशिलकुमार दळवी – महावितरणचे कर्मचारी म्हणजेच कंपनीची प्रतिमा आहेत. सर्व लाईन-मन ग्राहकाभिमुख सेवा देत आहेत व आपले कर्तव्य प्रामाणिकपणे व जबाबदारीने पूर्ण करत आहेत. महापूर, वादळ, वारे अशी नैसर्गिक आपत्ती व कोरोना काळात महावितरण वीज कर्मचाऱ्यांनी अखंडित विद्युत पुरवठा ठेऊन ग्राहकांना चांगली सेवा दिली यामुळे त्यांचे कौतुक करावे तितके थोडेच आहे, असे गौरवोद्गार महावितरणचे सहाय्यक शहर अभियंता पंडीत राठोड यांनी काढले.

यावेळी उपविभागातील कार्यरत लाईनमन जनमित्र, यंत्रचालक, कर्मचारी यांचा मान्यवरांच्या हस्ते फुलगुच्छ देऊन सन्मान करण्यात आला. पूर्णा उप विभागीय कार्यालयात ‘लाईन मन दिन’ उत्साहात साजरा करण्यात आला. यावेळी उपकार्यकारी अभियंता खोडपे सहा.
अभियंता पंडित राठोड, सहा. अभियंता खरगे , सहा. अभियंता वसमतकर वरिष्ठ यंत्र चालक रासकटला , ईश्वर परडे व सर्व लाईनमन
व जनमित्र उपस्थित होते.