धारणगावच्या पुलाचा प्रश्न सोडवणार-आनंद भरोसे यांनी दिला शब्द

परभणी,दि 13 ः
परभणी तालुक्यातील धारणगाव येथे दहा वर्षात नदीवर पूल झाला नसल्याने शेतकऱ्यांना हा हालआपेष्टा सहन कराव्या लागत आहेत. त्यामुळे मुख्यमंत्री एकनाथ शिंदे यांच्याकडे जाऊन आपण हा प्रश्न सोडवणार असे आश्वासन  परभणी विधानसभा मतदार संघाचे   महायुतीचे उमेदवार आनंद भरोसे यांनी दिले.
महायुतीचे उमेदवार आनंद भरोसे हे प्रचारासाठी परभणी तालुक्यातील धारणगाव येथे गेले असता ग्रामस्थांनी  नदीवर पूल नसल्याने निर्माण झालेल्या समस्या बाबत सांगितले.यावेळी स्वतः भरोसे यांनी नदीवर जाऊन पाहणी केली असता शेतकऱ्यांच्या अडचणीची जाणीव झाली,त्यामुळे त्यांनी तात्काळ हा प्रश्न मुख्यमंत्री एकनाथ शिंदे यांच्याकडे जाऊन सोडवणार असल्याची ग्वाही यावेळी दिली. यावेळी धारणगाव येथील ग्रामस्थांशी संवाद साधला. मागील दहा वर्षात या भागाला रस्ता नाही,पुल नाही त्यामुळे दळणवळणासाठी अनेक समस्या निर्माण होतात असे ग्रामस्थांनी यावेळी सांगितले.गावात रस्ते नाही,विद्यमान आमदारांनी गावाकडे कशाप्रकारे दुलर्क्ष केले हे ग्रामस्थांनी सांगीतले,यावर आनंद भरोसे यांनी सर्व प्रश्न आपण मार्गी लावू, एकदा संधी द्या असे आवाहन केले.यावेळी सर्व गाव तुमच्या सोबत आहे अशी ग्वाही ग्रामस्थांनी दिली.
नांदगाव येथे जंगी स्वागत
आनंद भरोसे हे परभणी तालुक्यातील नांदगाव भालेराव येथे गेले असता ग्रामस्थांनी गावच्या प्रवेशद्वारासमोर जंगी रॅली काढत भरोसे यांचे स्वागत केले तर गावातील महिला भगिनींनी औक्षण करत विजयासाठी आशीर्वाद दिले. गावातील हनुमान मंदिरात मोठी सभा झाली. यावेळी भरोसे यांना मोठ्या मताधिक्याने विजयी करा असा निर्धार ग्रामस्थांनी केला.