सामाजिक न्याय दिनानिमित्त गरजू महिलेस शेक हँडचा आधार,पिठाची गिरणी दिली भेट

परभणी,दि 27 (प्रतिनिधी)ः
शेक हँड फौंडेशन तर्फे प्रत्येक सणानिमित्त व जयंती पुण्यतिथी निमित्त गरजू ताईंना आधार देण्याचे काम केले जाते.राजश्री शाहू महाराज यांची जयंती 26 जून रोजी सामाजिक न्याय दिन म्हणून साजरा केला जातो.शेक हँड फौंडेशन तर्फे 27 जून रविवार रोजी सामाजिक न्याय दिनानिमित्त चंद्रकला धोंडीराम सोनवणे या ताईंना पिठाची गिरणी देण्यात आली.ताईच्या पतीचे अर्धांगवायू व हृदयविकाराने काही दिवसांपूर्वी निधन झाले.त्यांना एकूण चार अपत्य असून तीन मुली व एक मुलगा आहे.मुली सातवी,दुसरी व पहिलीत असून मुलगा अंगणवाडीत आहे.शेती व इतर कसलाही आधार त्यांना नाही.याशिवाय वृद्ध आजीचा सांभाळ करून लेकरांना व कुटुंबाच्या उदरनिर्वाहाची जबाबदारी ताईवर आहे.सध्या मोलमजुरी करीत त्या आपल्या कुटुंबाचा गाडा सांभाळतात.त्यांची परिस्थिती अत्यंत हलाखीची असून एकट्या ताईवर सर्व कुटुंबाचा भार आहे.या सर्व परिस्थितीचा विचार करून सामाजिक न्याय दिनाचे औचित्य साधून रविवार दिनांक 27 जून रोजी ब्राह्मणगाव या ठिकाणी त्यांना शेक हँड मार्फत उदरनिर्वाहाचे साधन म्हणून पिठाची गिरणी भेट देण्यात आली.या कार्यक्रमासाठी अनेकांनी मदतीचा हात पुढे केला त्यात Dr भागचंद मालानी यांच्याकडून चंद्रकला ताईंना साडी,आजीला लुगडे तसेच मुलांना कपडे देण्यात आले.याशिवाय Ad सुप्रिया पानसंबळ,विस्तार अधिकारी दिवाकर जोशी,पांडुरंग चव्हाण,अनंत कुलकर्णी,अमृत देशमुख,श्रीनिवास सोळंके,दगडू काळदाते,शाम गाडेकर,सोपान चव्हाण,भरत भालेराव,छाया गायकवाड,मुंजाजी लोलगे,मुंजाभाऊ शिळवणे,रामेश्वर जाधव ,विकास पांचाळ,भास्कर वाघ,रोहिदास कदम,रामेश्वर ढोणे, अर्चना भारस्वाडकर,नागेश गंगथडे,अर्चना शिंदे,शोभा घुंगरे,नामदेव देशमुख यांनी मदतीचा हात पुढे केला.याशिवाय ब्राम्हणगाव मधील गावकरी व सतिशकुमार सातपुते यांच्या पुढाकारातून 5000₹ ची मदत शेक हँड ला गिरणी साठी देण्यात आली तसेच नवीन मिटर कनेक्शन साठी शाळा व्यवस्थापन समितीच्या राजेश साबळे, ज्ञानेश्वर काळदाते ,सुरवसे ,प्रकाश काळदाते यांनी पुढाकार घेतला.कार्यक्रमासाठी गावातील सरपंच दगडूअण्णा काळदाते, जि. प.सदस्य जनार्धन सोनवणे,सुभाष आगलावे,दिगंबर नाईक,हरिहर शेवाळकर,सतिशकुमार सातपुते,बाबाराव गाडगे व ग्रामस्थ तसेच शेक हँड चे वैभव ठाकूर,पांडुरंग चव्हाण, संतोष चव्हाण शरद लोहट आदी उपस्थित होते.