हे काय झालं.. उपमुख्यमंत्री एकनाथ शिंदेंकडून ‘जय गुजरात’ची घोषणा

राज्याचे उपमुख्यमंत्री एकनाथ शिंदे जर जय गुजरात म्हणाले आहे. मुळात यांचं प्रेम समोर आलं आहे.  ⁠हे सगळे वॅाशिंग मशीनमध्ये धुतले गेले आहेत. ⁠जय गुजरात बोलायला हे कमी पडत नाही. सरकारचा वास्तविकपणा समोर आला आहे.  ⁠याचा आम्ही निषेध करतो. ⁠गुजरातच्या वॅाशिंग मशीनचा प्रभाव अजून संपला नाहीय, अशी टीका काँग्रेसचे नेते नाना पटोले यांनी केली.

यावर बोलताना संजय राऊत यांनी म्हटलं की, ‘अमित शहा यांच्या डुप्लिकेट शिवसेनेचे खरे रूप आज बाहेर आले. पुण्यात या महाशयांनी अमित शहा समोर ‘जय गुजरात’ ची गर्जना केली. काय करायचं? ऐशा नरा मोजूनी माराव्या पैजारा. हजार माराव्या आणि एक मोजाव्या. हा माणूस महाराष्ट्राच्या मंत्रिमंडळात कसा राहू शकतो?’ असा सवालही त्यांनी मुख्यमंत्री देवेंद्र फडणवीसांना विचारला आहे.

शिंदे अमित शहांसमोर लाचार झाले – पेडणेकर

ठाकरे गटाच्या नेत्या किशोरी पेडणेकर यांनीही शिंदेंवर टीका केली आहे. त्या म्हणाल्या की, ‘शिंदे स्वता:ला मूळचे शिवसैनिक समजतात असं लोकांना भासवतात. पण आज ते अमित शहा यांच्यासमोर लाचार कसे झाले हे त्यांनी दाखवलं. हिंदीसोबत आता गुजराती शिकण बंधनकारक होईल याची सुरुवात करून देत आहात काय? बाळासाहेबांचे विचार म्हणून तुम्ही पुढे येता बाळासाहेबांचा जय गुजरात कधीच नव्हता. ज्यांचा जन्म महाराष्ट्र ते जय गुजरात कसं बोलतील असा सवालही पेडणेकर यांनी केला आहे.

शिंदे साहेबांवर शंका घेण चुकीचं – योगेश कदम

याबाबत बोलताना मंत्री योगेश कदम यांनी म्हटलं की, ‘एकनाथ शिंदे साहेबांवर शंका व्यक्त करण म्हणजे आकाशावर थूंकण आहे. शिंदे साहेबांवर शंका घेण चुकीचं आहे. ज्या व्यक्तीने हिंदूत्वाचं सरकार आणलं त्याच्यावर शंका घेण चुकीचं.’