महिलांच्या स्वावलंबनासाठी शुभंकरोती फाउंडेशनचे कार्य उल्लेखनीयच- उदय जाधव

सेलू ( प्रतिनिधी )
शुभंकरोती फाऊंदेशन चे कार्य निश्चितच महिलांच्या स्वावलंबनासाठी उलेखनियच ठरणारे आहे .असे प्रतिपादन सेलू पंचायत समितीचे गट विकास अधिकारी उदय जाधव यांनी प्रशिक्षण केंद्राच्या भेटी दरम्यान केले .

महिलांच्या आर्थिक व सामाजिक सक्षमीकरणाच्या दृष्टीने कार्यरत असलेल्या शुभंकरोती फाउंडेशन, सेलू येथे महिलांसाठी सुरू असलेल्या ब्युटी पार्लर व शिलाई मशीन प्रशिक्षण केंद्रास आज श्री. उदय जाधव तसेच श्री. भाऊसाहेब खरात (बालविकास प्रकल्प अधिकारी, सेलू) यांनी आज सदिच्छा भेट दिली.

या वेळी शुभंकरोती फाउंडेशनमार्फत राबविण्यात येणाऱ्या विविध प्रशिक्षण व सामाजिक उपक्रमांची सविस्तर माहिती देण्यात आली. संस्थेने आजपर्यंत शिलाई मशीन, ब्युटी पार्लर व संगणक प्रशिक्षणाच्या माध्यमातून सुमारे ३७५० महिलांना व्यवसायाभिमुख प्रशिक्षण देऊन त्यांना स्वावलंबी बनवण्याचे महत्त्वपूर्ण कार्य केले आहे.
तसेच संस्थेमार्फत कॅण्डल मेकिंग, ज्वेलरी मेकिंग, चॉकलेट मेकिंग, मेहंदी प्रशिक्षण आदी विविध रोजगारनिर्मिती व सामाजिक उपक्रम सातत्याने राबविण्यात येत असल्याची माहिती संस्थेचे परभणी जिल्हा समन्वयक श्री. निशिकांत पाटील यांनी दिली.
महिलांच्या सर्वांगीण विकासासाठी व समाजहितासाठी शुभंकरोती फाउंडेशनमार्फत सुरू असलेले हे निस्वार्थ व प्रेरणादायी कार्य पाहून उपस्थित अधिकाऱ्यांनी संस्थेच्या कार्याचे कौतुक करत पुढील उपक्रमांसाठी शुभेच्छा व्यक्त केल्या.