Shabdraj www.shabdraj.com
आगामी काळात भारतावर ‘सुपर’ एल निनोचे संकट घोंगावण्याची शक्यता असून त्याच्या संभाव्य परिणामांना सामोरे जाण्यासाठी शास्त्रज्ञ आणि धोरणकर्त्यांनी तातडीने तयारी करावी, असे आवाहन देशातील 188 शास्त्रज्ञ आणि पर्यावरण अभ्यासकांनी केले आहे.
एल निनोमुळे पावसावर परिणाम होण्याबरोबरच उष्णता, दुष्काळ, जंगलातील आगी आणि प्रवाळभित्तींच्या ऱ्हासासारख्या पर्यावरणीय संकटांची तीव्रता वाढण्याची शक्यता व्यक्त करण्यात आली आहे. आगामी एल निनोच्या परिणामांचे शास्त्रीय पद्धतीने दस्ताऐवजीकरण करण्याची गरज नुकत्याच प्रसिद्ध केलेल्या आवाहनात अधोरेखित करण्यात आली आहे.
