‘कॉकरोच जनता पार्टीची आता ‘क्या बोलती पब्लिक’ मोहीम

पत्रकार परिषदेत अभिजीत दीपके यांनी देशातील सध्याच्या गंभीर परिस्थितीवर बोट ठेवले. ते म्हणाले, सध्या देशात शिक्षण व्यवस्था सर्वसामान्यांच्या अवाक्याबाहेर गेली आहे. बेरोजगारीचा प्रश्न इतका भीषण बनला आहे की, ज्यांच्याकडे डिग्री आहेत तेही आज बेरोजगार फिरत आहेत. देशात 60 टक्के जनता ही 35 वर्षांखालील आहे. परंतु, बहुतांश तरुणांकडे नोकऱ्या नाहीत.जंतरमंतरवरील आंदोलनाचा उल्लेख करत ते म्हणाले, जंतरमंतरवर फक्त विद्यार्थी नव्हते तर अनेक बे रोजगार तरुणही होते. या आंदोलनाने देशात प्रश्न विचारण्याची जी भीती निर्माण झाली होती, ती पूर्णपणे संपवून टाकली आहे. शिक्षणमंत्र्याच्या राजीनाम्याची मागणी हा केवळ ‘जेन झी’चा (Gen Z) विषय नव्हता. देशाचे भविष्य आज अशिक्षित किंवा अल्पशिक्षित लोकांच्या हाती गेले आहे, ज्यांच्याकडे साधी डिग्रीही नाही ते सरकार चालवत आहेत. दुसरीकडे सामान्य नागरिकांसाठी कोर्टाकडे वेळ नाही, ज्यामुळे लोकांचा न्यायव्यवस्थेवरील विश्वास उडाला आहे.