Shabdraj www.shabdraj.com
रमेश बिजुले
पाथरी,दि 11 ः
नगर परिषद पाथरी सार्वत्रिक निवडणूक 2025 पारदर्शक आणि सुरळीत पार पडावी, यासाठी विविध कक्ष स्थापन करून त्यामध्ये नेमण्यात आलेल्या अधिकारी-कर्मचाऱ्यांची आढावा बैठक संपन्न झाली.
ही बैठक निवडणूक निर्णय अधिकारी श्रीमती अरुणा संगेवार यांच्या आदेशानुसार सहाय्यक निवडणूक अधिकारी श्री युवराज पौळ व कृष्णा देशमुख यांच्या उपस्थितीत घेण्यात आली. या वेळी निवडणूक कामकाजा विषयी महत्त्वपूर्ण मार्गदर्शन करण्यात आले.सहाय्यक निवडणूक अधिकारी श्री. पौळ यांनी सर्व पथकांना नेमून दिलेले काम चोख, नियोजनबद्ध आणि पारदर्शकपणे पार पाडण्याच्या सूचना दिल्या. त्यांनी प्रत्येक कर्मचाऱ्याने जबाबदारीने आणि नियमांचे पालन करून काम करावे, असेही सांगितले.या बैठकीला सर्व अधिकारी व कर्मचारी मोठ्या संख्येने उपस्थित होते.
