राहुल गांधी विद्यार्थ्यांसाठी मैदानात, सरकारकडे ३ मागण्या

नवी दिल्ली : विद्यार्थी शांततापूर्वक मार्गाने आंदोलन करीत आहेत. एकेकाळी भारतातील शिक्षण संस्थेचा जगात गवगवा होता, आता त्याच शिक्षण व्यवस्थेचा बोजवारा उडाला आहे. १५२ पेपरफुटीची प्रकरणे गेल्या १० वर्षात समोर आले आहेत. अनेकदा पेपरफुटीच्या घटना झाल्या पण त्या समोर आल्या नाहीत. लाखो विद्यार्थी अनेक परीक्षांची ५-५ वर्षे तयारी करतात. परंतु शेवटच्या क्षणी त्यांना सांगितले जाते की पेपरफुटी झाली. ज्यांच्याजवळ ४०-५० लाख आहेत, ते पेपर खरेदी करतात. साडे सात कोटी विद्यार्थ्यांचे आयुष्य मागील काही वर्षात पेपरफुटीमुळे उद्ध्वस्त झाले आहेत. मात्र लाजीरवाणी गोष्ट ही आहे की दोषींमधील एकालाही शिक्षा झालेली नाही, असे जळजळीत वास्तव लोकसभेतील विरोधी पक्षनेते राहुल गांधी यांनी मांडले. तसेच केंद्र सरकारकडे आमच्या तीन मागण्या असून आमच्या मागण्यांवरून आपण मागे हटणार नाही, असे स्पष्टपणे राहुल गांधी यांनी सांगितले.

पंतप्रधान नरेंद्र मोदी यांच्या घराबाहेर मंगळवारी आंदोलन केल्यानंतर बुधवारी राहुल गांधी यांनी नवी दिल्लीतील काँग्रेस मुख्यालयात पत्रकार परिषद घेतली. या पत्रकार परिषदेत त्यांनी केंद्र सरकारकडे तीन मागण्या केल्या.
१) विद्यार्थी शांततापूर्वक मार्गाने आंदोलन करीत आहेत. त्यांना शिक्षणमंत्री धर्मेंद्र प्रधान यांचा राजीनामा हवा आहे.  त्यांच्यामुळे अनेक विद्यार्थ्यांनी आत्महत्या केल्या आहेत. सरकार त्यांना का हटवत नाहीत?