Shabdraj www.shabdraj.com
दिल्ली : नीट पेपरफुटी आणि जंतर-मंतरवरील आंदोलनादरम्यान विद्यार्थ्यांवर झालेल्या लाठीमाराच्या पार्श्वभूमीवर राहुल गांधी यांनी केंद्र सरकारला कोंडीत पकडले आहे. शिक्षणमंत्री धर्मेंद्र प्रधान यांचा राजीनामा झालाच पाहिजे, अशी ठाम भूमिका विरोधी पक्षाने घेतल्याने सरकार बॅकफूटवर गेले आहे. गेले तीन दिवस लोकसभेचे कामकाज ठप्प आहे.
याच पार्श्वभूमीवर विरोधकांची रणनीती ठरविण्यासाठी राहुल गांधी यांच्या निवासस्थानी इंडिया आघाडीची बैठक संपन्न झाली. या बैठकीनंतर राहुल गांधी इंडिया आघाडीच्या सर्व खासदारांसह राजघाटाकडे रवाना झाले आहेत. परंतु पोलिसांनी दोन वेळा राहुल गांधी यांचा ताफा अडवला.
याच पार्श्वभूमीवर विरोधकांची रणनीती ठरविण्यासाठी राहुल गांधी यांच्या निवासस्थानी इंडिया आघाडीची बैठक संपन्न झाली. या बैठकीनंतर राहुल गांधी इंडिया आघाडीच्या सर्व खासदारांसह राजघाटाकडे रवाना झाले आहेत. परंतु पोलिसांनी दोन वेळा राहुल गांधी यांचा ताफा अडवला.
राजघाट हे नवी दिल्लीत यमुना नदीच्या काठावर स्थित महात्मा गांधींचे समाधीस्थळ आहे. हे स्मारक बापूंच्या शांततेच्या आणि अहिंसेच्या विचारांचे प्रतीक आहे. विद्यार्थी आपल्या मागण्या शांततापूर्ण मार्गाने मांडत असताना त्यांच्यावर लाठीहल्ला करून हिंसेचा मार्ग अवलंबलेल्या सरकारचा निषेध करण्यासाठी प्रतिकात्मक पाऊल म्हणून राहुल गांधी हे इंडिया आघाडीच्या खासदारांसह महात्मा गांधी यांच्या स्मृतिस्थळावर गेले आहेत.
नीट परीक्षा पेपरफुटी झाल्याने ज्या विद्यार्थ्यांचे मानसिक संतुलन खचले आणि त्यांनी टोकाचे पाऊल उचलले, त्यांच्या स्मृतिप्रित्यर्थ आम्ही राजघाटावर जातोय, असे राहुल गांधी यांनी सांगितले. देशभरातील अनेक शहरात विद्यार्थी आंदोलने होत आहेत. अनेक ठिकाणी सरकार त्यांचा आवाज दाबण्याचा प्रयत्न करीत आहे. परंतु विद्यार्थी एकटे नाहीत, आम्ही त्यांच्या पाठीशी आहोत, असे राहुल गांधी म्हणाले.
आम्ही इंडिया गेटकडे जात होतो, परंतु आम्हाला तेथे जाऊ दिले नाही, आम्हाला अडवण्यात आले. देशभरातील विद्यार्थी रस्त्यावर उतरले आहेत. त्यामुळे विरोधी पक्ष म्हणून आम्हीही रस्त्यावर उतरले पाहिजे, असे राहुल गांधी म्हणाले.
