चार दिवसांपासून पूर्णा ते झिरोफाटा वाहतूक ठप्प

सार्वजनिक बांधकाम विभागाच्या अभियंत्यांनी माटेगांव जवळील या पुलाचे काम वेळेत पूर्ण होईल, असे जाहीर केले होते. दुर्देवाने ते काम वेळेत तर पूर्ण झालेच नाही. उलटपक्षी ते काम संथ गतीने सुरु होते. त्यामुळे ते काम महिनोनमहिने रखडले. सद्यस्थितीत या पुलाचा स्लॅब पूर्ण झाला आहे. परंतु, दोन्ही बाजूच्या भरावाचे काम पूर्ण नाही. त्यामुळेच नवीन पूल वाहतूकीस खुला नाही, माटेगावसह पंचक्रोषितील ग्रामस्थांनी रखडलेल्या या पुलाच्या कामाकडे जिल्हा प्रशासनाचे लक्ष वेधण्याचा प्रयत्न केला. या पंचक्रोषितील गावांमध्ये या पुलामुळे होणारा त्रास निदर्शनास आणून दिला परंतु, उपयोग झाला नाही.