Shabdraj www.shabdraj.com
परभणी,दि 25 ः
शहरातील गव्हाणे चौक नजिकच्या निरस हॉस्पिटल समोरील धनुबाई प्लॉट येथील मारोती दुबाकर याचे घरी एलसीडी टिव्हीमध्ये साप आढळला. सर्पमित्र रणजीत कारेगांवकर यांनी त्याला पकडून परिवाराला भयमुक्त केले.
25 जुलै रोजी दुपारी एकच्या दरम्यान घरातील महीलांना सिरियल बघताना टीव्हीच्या पडद्यावर साप खाली वर जाताना दिसला. सुरूवातीला तो सिरियलमध्येच आहे असे वाटले पण एक दोन चॅनल बदलले तर तो खरेच आहे हे लक्षात येताच घरातील मुलींनी त्याचा व्हिडीओ केला व शेजारी राहणारे रमेश थोरात यांना कळवले, थोरात यांनी सर्पमित्र रणजित कारेगांवकर यांना बोलावले. राजेश दुबाकर हे स्वतः टिवी मेकॅनिक असल्यामुळे त्यांनी त्वरीत तो एल सी डी खोलला. टिव्हीत एका कोप-यात साप आढळला. त्याला कारेगांवकर यांनी पकडून तो कवड्या जातीचा बिनविषारी साप असल्याचे सांगत दुबाकर कुटुंबास भयमुक्त केले. यावेळी ज्ञानेश्वर खटिंग, राजेश दुबाकर यांनी कारेगांवकर यांना सहकार्य केले.
