Shabdraj www.shabdraj.com
कळमनुरी / प्रतिनिधी – शहरातील लमाण मंदिरासमोर अवैध वृक्षतोड करून शिवण प्रजातीचे लाकूड वाहतूक केली जात असल्याची माहिती मिळताच वनविभागाने तात्काळ कारवाई करत टेम्पो जप्त केला. जप्त करण्यात आलेला टाटा कंपनीचा टेम्पो (क्र. MH 16 Q 1288) विभागीय कार्यालयात जमा करण्यात आला आहे.
ही कारवाई विभागीय वनाधिकारी राजेंद्र नाळे यांच्या मार्गदर्शनाखाली पार पडली. सहाय्यक वनसंरक्षक सचीन माने आणि वनपरिक्षेत्र अधिकारी कु. मीनाक्षी पवार यांच्या नेतृत्वाखाली ही मोहीम राबविण्यात आली. कळमनुरी येथील वनरक्षक अशोक चव्हाण यांनी कारवाई यशस्वीरीत्या पूर्ण केली.
वनविभागाकडून अवैध वृक्षतोड व लाकूड तस्करीविरोधात कठोर पावले उचलली जात असून, संबंधितांविरुद्ध पुढील कायदेशीर कारवाई सुरू असल्याची माहिती अधिकाऱ्यांनी दिली आहे.
