परभणी–जालना–परभणी विशेष गाडी रोज धावणार

परभणी – दक्षिण मध्य रेल्वेने प्रवाशांच्या वाढत्या गर्दीचा विचार करून परभणी–जालना–परभणी दरम्यान चालविण्यात येणारी विशेष गाडी (क्र. 07663/07664) याबाबत महत्त्वाचा निर्णय घेतला आहे.

ही विशेष गाडी 20 सप्टेंबरपासून आठवड्यातून चार दिवस (मंगळवार, बुधवार, शुक्रवार आणि शनिवार) चालविली जात होती. मात्र आता दिनांक 2 ऑक्टोबरपासून ही गाडी दैनंदिन धावणार असून आठवड्याचे सातही दिवस सेवा उपलब्ध होईल.

गाडी क्र. 07663 (परभणी–जालना)
प्रस्थान : परभणी – सकाळी 07.10
आगमन : परतूर – 08.29, प्रस्थान 08.30
आगमन : जालना – 09.30

गाडी क्र. 07664 (जालना–परभणी)
प्रस्थान : जालना – सायंकाळी 17.30
आगमन : परतूर – 18.15, प्रस्थान 18.16
आगमन : परभणी – रात्री 20.00

ही गाडी 2 ऑक्टोबरपासून पुढील आदेशापर्यंत रोज धावेल अशी माहिती दक्षिण मध्य रेल्वेकडून देण्यात आली आहे.