Shabdraj www.shabdraj.com
राज्याचे उपमुख्यमंत्री अजित पवार यांच्या विमानाचा अपघात (Ajit Pawar Baramati Plane Crash) झाला आणि त्यामध्ये त्यांचा मृत्यू झाला. जिल्हा परिषद निवडणुकीच्या प्रचारासाठी अजित पवार बारामतीमध्ये येत असताना अजित पवारांचा हा अपघाती मृत्यू झाला. यावेळी शरद पवारांनी थेट बारामती गाठली आणि हेलिकॉप्टरमधून उतरताच हा अपघात कसा झाला याची माहिती घेतली.
शरद पवार हे मुंबईत सिल्वर ओक या निवासस्थानी होते. अजित पवार यांच्या अपघाती मृत्यूच्या बातमीनंतर शरद पवार सिल्वर ओकवरून बारामतीला रवाना झाले. बारामतीत शरद पवार पत्नी प्रतिभाताई पवार यांच्यासोबत हेलिकॉप्टरने बारामतीत उतरले. हेलिकॉप्टरमधून उतरताच शरद पवार यांनी विमान दुर्घटनेची माहिती घेतल्यानंतर अजितदादांचे पार्थिव ठेवलेल्या ठिकाणी रवाना झाले.
विमान बारामतीला येण्यासाठी सकाळी मुंबईतून ८ वाजून १० मिनिटांनी निघालं होतं. बारामतीत ८.५० मिनिटांनी विमानतळावर उतरणार होतं. मात्र त्याआधी काही क्षण आधीच विमानाचा अपघात झाला. दृश्यमानता कमी असल्यानं पायलटला धावपट्टी दिसली नाही आणि हा अपघात झाला अशी प्राथमिक माहिती समोर येत आहे.
