कर्जमुक्ती योजनेत अडचण? शासनाची हेल्पलाईन सुरू

पुण्यश्लोक अहिल्यादेवी होळकर शेतकरी कर्जमुक्ती योजना

कर्जमुक्ती योजनेत अडचण असल्यास हेल्पलाईनवर करा संपर्क; शासनाचे आवाहन

मुंबई | प्रतिनिधी

पुण्यश्लोक अहिल्यादेवी होळकर शेतकरी कर्जमुक्ती योजना २०२६ संदर्भात शेतकऱ्यांना कोणतीही अडचण, शंका किंवा तक्रार असल्यास शासनाने हेल्पलाईन क्रमांक उपलब्ध करून दिला आहे. कर्जमुक्ती प्रक्रियेत येणाऱ्या अडचणींचे तातडीने निराकरण करण्यासाठी शेतकऱ्यांनी या सुविधेचा लाभ घ्यावा, असे आवाहन करण्यात आले आहे.

योजनेबाबत पात्रता, अर्ज, लाभ मिळण्यात होणारा विलंब किंवा इतर कोणत्याही प्रकारची माहिती हवी असल्यास हेल्पलाईन क्रमांक ०२२-४९१५०८०२ वर कार्यालयीन वेळेत संपर्क साधता येणार आहे.

महाराष्ट्र शासनाच्या माहिती व जनसंपर्क महासंचालनालयाने प्रसिद्ध केलेल्या जनजागृती संदेशानुसार, शेतकऱ्यांनी अफवांवर विश्वास न ठेवता अधिकृत हेल्पलाईनद्वारेच माहिती मिळवावी, असेही आवाहन करण्यात आले आहे. शासनाने कर्जमुक्ती योजनेची प्रक्रिया अधिक सुलभ आणि पारदर्शक करण्यासाठी ही सुविधा उपलब्ध करून दिली आहे.

महत्त्वाचे :

• योजना: पुण्यश्लोक अहिल्यादेवी होळकर शेतकरी कर्जमुक्ती योजना २०२६
• हेल्पलाईन क्रमांक: ०२२-४९१५०८०२
• सेवा: तक्रार, शंका व योजनेसंबंधी माहिती
• वेळ: कार्यालयीन वेळेत संपर्क साधावा.